МУГЖ, дуучин Самандын Жавхлан өнгөрсөн сонгуулиудад Чингэлтэй дүүрэг, Увс аймагт нэр дэвшиж байсныг та бүхэн санаж байгаа байх.  Тухайн үед тэрбээр “Би өнгөрсөн гурван жилийн хугацаанд бүх сэтгүүлчид нэр дэвшихгүй гэж хэлж ирсэн. Гэхдээ худал үгийг 1000 давтвал үнэн болдог гэдэг үлгэрээр та нарын өмнө би нэр дэвших нь үнэн болоод сууж байна” гэж хэлж байв. С.Жавхлангийн хувьд сонгуульд өрсөлдөж, улс төрд орох болсон шалтгаан нь ард иргэд. Тэрбээр ард иргэдийн дуу хоолойг "дээгүүрх" албан тушаалтнуудад сонсгохын тулд, Монголынхоо төлөө хийх гэснээ гүйцэлдүүлэхийн тулд гагцхүү улс төрд орж, гишүүн болсон нь дээр юм байна гэж үзсэн. Тиймээс ч өнгөрсөн сонгуулиудад нэр дэвшсэн. Харамсалтай нь сонгуульд ялалт олж чадахгүй өдийг хүрлээ. Гэвч тэрбээр ирэх сонгуульд дахин нэр дэвших бодолтой байгаагаа хэллээ.

Тэрбээр дахин сонгуульд өрсөлдөх болсоноо "Улс төрөөр чи оролдохгүй ч улс төр чамаар оролдоно гэсэн үнэн үг байдаг. Тэр утгаар ч гэх юмуу даа. МУГЖ гэсэн энэ том шагналын надад төр засгаас хайрласан тэр үеэс улс орондоо өөрийнхөө бүхий л чаддаг мэддэг бүхнээ зориулах, нэмэрлэх юмсан бодол төрж байсан. Тиймээс ч би хийж чадах бүхнээ хийнэ. Шамтрахгүй" хэмээн тайлбарлав.