Нефтийн бүтээгдэхүүн литр тутамдаа 50-90 төгрөгөөр нэмэгдлээ. Үүнийг дагаад өргөн хэрэглээнйий бараа бүтээгдэхүүний үнэ өсч байна. Уг нь үнийн өсөлтийг зохицуулах гэж Засгийн газар, Төв банк хамтран гол нэрийн бүтээгдэхүүний үнийг тогтворжуулах зорилгоор “Үнэ тогтворжуулах” дэд хөтөлбөрүүдийг хэрэгжүүлсэн байдаг. Тухайлбал, нефтийн бүтээгдэхүүний үнийг тогтворжуулахад зориулж 13 нефть импортлогч компанид жилийн 3.8 хувийн хүүтэй 200 гаруй тэрбум төгрөгийн хөнгөлөлттэй зээл олгосон. Ийм байтал нефтийн үнийг өсгөсөн нь Засгийн газрын зүгээс тодорхой арга хэмжээг авч чадахгүй байгаатай холбоотой гэж УИХ-ын гишүүн Я.Содбаатар хэллээ. Тиймээс энэ асуудалтай холбогдуулж тэрбээр Уул уурхайн сайд Д.Ганхуягт хандан асуулга тавьж, нефтийн бүтээгдэхүүн дээр хэрэгжүүлж байгаа “Үнэ тогтворжуулах дэд хөтөлбөр”-ийн хэрэгжилтийн явц, мөн шатахуун хийгээд авто бензины хэд хоногийн нөөцтэй байгаа зэрэгт тодорхой мэдээлэл авахаар болжээ.