МАН-ын удирдлагууд УИХ-ын гишүүдтэйгээ хамтран ойрын өдрүүдэд орон нутагт бүсчилсэн байдлаар ажиллаж эхлээд байна. МАН-ын дарга, УИХ-ын дэд дарга  М.Энхболд УИХ-ын гишүүн О.Содбилэг, Д.Хаянхярваа, Ө.Энхтүвшин, Ж.Эрдэнэбат, намын газрын дарга нарын хамт төвийн бүс нутаг буюу Сэлэнгэ, Дархан-Уул аймгийн иргэдтэй уулзсан бол өнөөдөр Эрдэнэтэд ажиллаж байна. Маргаашаас эхлэн тус багийнхан Дундговь, Өмнөговь, Төв аймагт очиж ард иргэдтэй уулзах аж.

Харин МАН-ын ерөнхий нарийн бичгийн дарга Ж.Мөнхбатаар ахлуулсан дараагийн багийнхан  энэ сарын 10-наас эхлэн Архангай, Булган, Хөвсгөл, Өвөрхангай аймагт ажиллах юм байна. Үүнээс гадна УИХ дахь МАН-ын бүлгийн дарга С.Бямбацогтоор ахлуулсан баг баруун аймгуудад энэ сарын  дундуур, УИХ-ын гишүүн Б.Бат-Эрдэнээр ахлуулсан баг зүүн аймгуудад энэ сарын 20-доор ажиллахаар товложээ.