Байгаль орчин аялал жуулчлалын сайд асан Д.Цогтбаатарыг дүүргийн намын хорооны хурлаас нь хасчээ. Тодруулбал, Сүхбаатар дүүргийн намын хорооны хурал өнгөрсөн даваа гаригт болох үеэр энэ шийдвэр гарсан байна. Энэ нь Сүхбаатар дүүрэг дэх МАН-ын хороо нөлөө бүхий гишүүдээ бодлогоор шахаж байгаагийн илрэл хэмээн олон нийт үзэж байна. Мөн уг үйл явдал нь МАН доторх нилээн том хагарлын эхлэлийг тавьж байгаа аж. Тус дүүргийн намын хороо нь нийт 73 гишүүнтэй. Гэтэл энэ олон гишүүнээс УЗ-ийн гишүүн Д.Цогтбаатарыг хассан нь ихээхэн хардлага төрүүлж байна.  Учир нь УЗ-ийн гишүүн нь намын анхан шатны хурлаасаа хасагдаж буй нь ихээхэн сонин үзэгдэл бөгөөд энэ нь шинэчлэл үү, ухрал уу гэдгийг ирэх өдрүүдэд харуулах биз. Намын хорооны хурал нь МАН-ын бага хуралтай адил дүүргийн хурал юм.

Ер нь тус дүүргийн намын хорооны хурал ихээхэн дуулиан, шуугиантай болж өнгөрсөн бөгөөд одоог хүртэл энэ талаарх яриа эрчээ авсаар байгаагийн үргэлжлэл нь энэ болж байна.