Маргааш олон улсын эмэгтэйчүүдийн эрхийг хамгаалах өдөр тохионо. Энэ өдөр дэлхий нийтээрээ эмэгтэйчүүдийн эрхийг хамгаалж, тэдний нийгэм дэхь байр суурийг бэхжүүлэхийн төлөө ажилладаг. Манай улс ч олон улсын жишгийг дагаж эл өдөр эмэгтэйчүүдийгээ гэр бүлийн хүчирхийллээс хамгаалсан ажлыг эхлүүлж, тэдний эрхийн төлөө чуулдаг болжээ. Тэгвэл улс төрийн томоохон хүчнүүд болох МАН, АН "Март 8"-ны баяраар эмэгтэйчүүдийн төлөө ямар ажил зохион байгуулах гэж буйтай танилцана уу?

АН
Нийслэлийн Ардчилсан нам, Нийслэлийн Ардчилсан эмэгтэйчүүдийн холбооноос “Гэгээн өглөө” хүндэтгэлийн арга хэмжээг “Буянт-Ухаа” спорт цогцолборт зохион байгуулах аж. Жил бүр уламжлал болгон зохион байгуулдаг энэ хүндэтгэлийн арга хэмжээнд нийслэлийн есөн дүүргийн 8000 эмэгтэй оролцох юм. Өнгөрсөн жил 6000 эмэгтэйг энэ арга хэмжээнд оролцуулсан хэмээн зохион байгуулагчид нь хэлж байна. “Гэгээн өглөө” хүндэтгэлийн арга хэмжээнд Нийслэлийн Засаг дарга бөгөөд Улаанбаатар хотын захирагч Э.Бат-Үүл, НИТХ-ын дарга Д.Баттулга, Нийслэлийн Ардчилсан эмэгтэйчүүдийн холбооны тэргүүн Д.Оюунцэцэг нар оролцож ээжүүдэд баярын мэндчилгээ дэвшүүлнэ. Мөн ҮДБЭЧ-ын уран бүтээлчид урлагийн тоглолтоо толилуулах юм байна.

МАН

 МАН-ын дэргэдэх Нийгмийн Ардчилал Монголын Эмэгтэйчүүдийн холбооны сайтыг нээж байгаа юм байна. Маргааш намынхаа эмэгтэйчүүдийг хүлээн авч уулзан ёслолын арга хэмжээ зохион байгуулах аж.  Мөн өнөөдөр 11.00 цагаас НАМЭХ ба Хөгжлийн стратеги" эмэгтэйчүүдийн чуулга уулзалтыг зохион байгуулж байна.