УИХ дахь МАН-ын бүлгээс эдийн засаг хүндэрч, гадны хөрөнгө оруулалт багассанаар төсвийн алдагдал их гарч иргэдийн худалдан авах чадварт нөлөөлсөн хэмээн ярьж байна. Мөн валютын ханшийн өсөлтийг хяналтаас алдсанаас болж бараа, бүтээгдэхүүний үнэ нэмэгдсэн. Энэ нь Засгийн газрын алдаатай бодлоготой холбоотой хэмээн тэд үзэж буй. Улс орны эдийн засаг, санхүүгийн байдал хүндэрч буйтай холбогдуулан Засгийн газраас хүндрэлийг даван туулах яаралтай арга хэмжээ авах, УИХ-ын зүгээс үүссэн нөхцөл байдлыг хүндрүүлэхгүй байх чиглэл өгч ажиллах ёстой хэмээн МАН-ын бүлгээс мэдэгдээд байна.