УИХ –ын хаврын чуулганаар эрх баригч АН –аас сонгуулийн хуулийн тухай төсөл өргөн барих гэж байгаа. Энэ талаар улс төрийн намууд өөрсдийн байр сууриа, санал бодлоо хэлж байна. Бүгд найрамдах намын дарга Б.Жаргалсайхан намынхаа байр сууриа ийнхүү илэрхийлжээ. Тэрээр хэлэхдээ “Сонгуулийг 21 –хэн хоногт хийж болохгүй. Америкчууд сонгуулиа бүтэн жил хийдэг юм. Бид ямар АНУ биш л дээ. Гэхдээ жил биш юм аа гэхэд гурван сарын хугацаанд хийх нь зөв. Манай иргэдийн мэдлэг боловсрол, улс төрийн чадвар ямар билээ. Мэдээж ажлаа орхиод өдөр, шөнөгүй хуралдаад ухуулаад байх юм биш” гэж. Мөн тэрбээр “Сүүлийн гурван сонгууль тэр чигтээ булхай найраатай болсон. Гаргая гэснээ яаж ийж байгаад л гаргачихдаг. Гаргахгүй гэснээ огтхон ч гаргадаггүй. Үүнийг МАН –ыхан хийдэг байсан бол одоо АН –ыхан аятайхан хуулж авчээ” хэмээх гомдолын үгийг унагажээ.