Нийслэлийн АН –ынхан Олон улсын эмэгтэйчүүдийн эрхийг хамгаалах өдөрт зориулан “Буянт –Ухаа” цогцолборт “Гэгээн өглөө” нэртэй хүндэтгэлийн арга хэмжээ зохион байгуулжээ. Уг арга хэмжээд эмэгтэйчүүдийг өргөнөөр оролцуулахын тулд нэлээдгүй сандарч дүүрэг хороодод үүрэг өгч намын батлах өвөртөлсөн бүх бүсгүйчүүдээ урьсан гэнэ. Хайртай намаас нь зохиосон баярт очиж дуу хуур сонсч, дарга нарынхаа баярын мэндчилгээг сонсох нь тэнд хүрэлцэн ирсэн олон эмэгтэйчүүдэд таалагдсан нь лавтай. Ингээд баярын үйл ажиллагаа ч өндөрлөх болж ирсэн зочдын гарыг цайлгадаг Монгол уламжлалаа даган АН –ынхан нэгэн сүрхий бэлэг өгсөн сурагтай. Тэрхүү гэнэтийн бэлэг нь эх орны үйлдвэрийн оймс байсан ажээ. Дээшээ харсан сав хэмээн эмэгтэйчүүдээ хүндлэн ийнхүү гайхалтай бэлэг сонгосон бололтой. Нийслэлийн АН –ынхан мартаар 8000 бүсгүйг иж бүрэн “оймсжуулж” нөгөө талдаа үндэсний үйлдвэрлэлээ сүрхий дэмжин, нэг сумаар нэлээдгүй туулайг намначихлаа. Ухаалаг төр өө гэж...