МАН-ын бүлэг Сангийн сайд Ч.Улаан, Эдийн засгийн хөгжлийн сайд Н.Батбаяр нарыг огцруулах асуудлыг УИХ-д өргөн барьж байсан ч амжилт олоогүй. Улсын эдийн засаг доройтсон нь Ч.Улаан, Н.Батбаяр нарын алдаатай бодлоготой холбоотой гэж тэд үзэж байгаа юм.

Тэгвэл МАН-ын бүлгээс Н.Батбаяр болон Сангийн сайд Ч.Улаан нарыг огцруулах асуудлыг дахин хөндөхөөр болжээ. Гэхдээ энэ удаа дээрх хоёр сайдтай хамт  Уул уурхайн сайд Д.Ганхуягийн нэр хамт явж байна. МАН-ынхан өнгөрсөн хугацаанд эдийн засаг хямарсан гэдэг оношийг эдийн засагчид хийгээд эрдэмтэн мэргэдээр яриулсан. Тэд мөн хөдөө орон нутаг болон захуудаар явж иргэдтэй уулзан эдийн засаг ямар учраас хямраад байгаа шалтгааныг тодруулсан гэж байгаа. Харин ард иргэд хийгээд эрдэмтэн мэргэд, эдийн засагчид эдийн засаг хямарсан шалтгааныг Уул уурхайн сайд Д.Ганхуяг, Сангийн сайд Ч.Улаан, Эдийн засгийн хегжлийн сайд Н.Батбаяр нарын буруу гэдэг онош тавьсан аж. Тиймээс дээрх сайдуудад хариуцлага тооцохоор болсон нь энэ аж.