Улсын Их Хурлын дарга З.Энхболд Азийн бүтээмжийн байгууллагын Ерөнхий нарийн бичгийн дарга Марио Амано, Монголын бүтээмжийн байгууллагын ТУЗ-ийн дарга Я.Эрхэмбаяр болон бусад төлөөлөгчдийг өнөөдөр / 2014.04.02 / Төрийн ордонд хүлээн авч уулзлаа.
УИХ-ын дарга уулзалтын эхэнд, ноён Марио Аманог Монгол Улсад айлчилж байгаад талархал илэрхийлээд, манай улс Азийн бүтээмжийн байгууллагад нэгдээд 20 гаруй жил болж байна. Энэ хугацаанд олон төсөл хөтөлбөр хамтран хэрэгжүүлж буйд талархаж байна гэлээ. Мөн төр, засгийн зүгээс хөдөлмөрийн бүтээмжийг дээшлүүлэх төсөл хөтөлбөрийг бүх талаар дэмжин ажиллаж байгааг дуулгаад, төрийн байгууллагуудын хөдөлмөрийн бүтээмжийг дээшлүүлэх талаар салбар бүрээр нь судалж, хэмжиж үзсэнээр дэлхийн бусад орнуудтай харьцуулж хаана, ямар алдаа байгааг олж мэдэх хэрэгтэй байна хэмээн онцоллоо. Түүнчлэн УИХ-ын Тамгын газарт ажлын байрны зураг авалт хийж, хөдөлмөрийн бүтээмжийг дээшлүүлэх судалгааг хийж байгааг хэлээд, үүнийгээ re- engineering буюу дахин инженерчлэл хэмээн нэрлэж байгаа гэлээ.
Ноён Марио Амано Монгол Улсад анх удаа айлчилж байгаагаа дуулгаад, УИХ-ын даргыг цаг зав гарган хүлээж авсанд талархал илэрхийлсэн. Тэрээр Монгол Улс бол 1992 оноос хойш Азийн бүтээмжийн байгууллагад нэгдэн орж идэвхитэй ажиллаж байгаа улс гээд, цаашид зохион байгуулагдах уулзалт, чуулганд оролцож бусад орнуудын туршлагаас судлах хэрэгтэй гэсэн саналыг хэллээ. Мөн түүнчлэн УИХ-ын дарга З.Энхболын санаачлан хэрэгжүүлж байгаа “дахин инженерчлэх” санаа маш их таалагдаж байна. Бидний хийж байгаа ажилтай нэрний хувьд ялгаатайгаас бусад зүйлээрээ ижилхэн байна хэмээн онцоллоо.
Монголын бүтээмжийн төв нь улс орон даяар бүтээмжийн хөдөлгөөн өрнүүлэх үйл ажиллагааг бие даан явуулдаг төрийн бус байгууллага юм. Монгол улсад бүтээмжийн байгууллага анх Хөдөлмөрийн бүтээмжийн төв нэртэйгээр 1992 оны 3-р сарын 22-нд байгуулагдсанаас хойш Үндэсний бүтээмж, хөгжлийн төв нэртэйгээр бүтээмжийн ойлголтыг түгээн дэлгэрүүлэх, хөдөлгөөн өрнүүлэх үйл ажиллагааг үндэсний хэмжээнд явуулсаар иржээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
УИХ-ын дарга уулзалтын эхэнд, ноён Марио Аманог Монгол Улсад айлчилж байгаад талархал илэрхийлээд, манай улс Азийн бүтээмжийн байгууллагад нэгдээд 20 гаруй жил болж байна. Энэ хугацаанд олон төсөл хөтөлбөр хамтран хэрэгжүүлж буйд талархаж байна гэлээ. Мөн төр, засгийн зүгээс хөдөлмөрийн бүтээмжийг дээшлүүлэх төсөл хөтөлбөрийг бүх талаар дэмжин ажиллаж байгааг дуулгаад, төрийн байгууллагуудын хөдөлмөрийн бүтээмжийг дээшлүүлэх талаар салбар бүрээр нь судалж, хэмжиж үзсэнээр дэлхийн бусад орнуудтай харьцуулж хаана, ямар алдаа байгааг олж мэдэх хэрэгтэй байна хэмээн онцоллоо. Түүнчлэн УИХ-ын Тамгын газарт ажлын байрны зураг авалт хийж, хөдөлмөрийн бүтээмжийг дээшлүүлэх судалгааг хийж байгааг хэлээд, үүнийгээ re- engineering буюу дахин инженерчлэл хэмээн нэрлэж байгаа гэлээ.
Монголын бүтээмжийн төв нь улс орон даяар бүтээмжийн хөдөлгөөн өрнүүлэх үйл ажиллагааг бие даан явуулдаг төрийн бус байгууллага юм. Монгол улсад бүтээмжийн байгууллага анх Хөдөлмөрийн бүтээмжийн төв нэртэйгээр 1992 оны 3-р сарын 22-нд байгуулагдсанаас хойш Үндэсний бүтээмж, хөгжлийн төв нэртэйгээр бүтээмжийн ойлголтыг түгээн дэлгэрүүлэх, хөдөлгөөн өрнүүлэх үйл ажиллагааг үндэсний хэмжээнд явуулсаар иржээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
