Улс төрийн намуудын удирдлагууд өчигдөр уулзсан. Тус уулзалтаар УИХ-ын гишүүн Ц.Баярцогтыг огцрох ёстой гэсэн саналыг гаргав. Учир нь УИХ-ын дарга жилийн өмнө захирамж гарган улс төрийн намуудын болон Улс төрийн намуудын санхүүжилтийн тухай хуулийн төслийг боловсруулах ажлын хэсгийн ахлагчаар УИХ-ын гишүүн С.Баярцогтыг томилсон. Тиймээс С.Баярцогт дээрх төслүүдийг боловсруулахдаа улс төрийн намуудын төлөөллийг хэлэлцүүлэгт оролцуулан саналыг нь авч ажиллах ёстой. Гэвч тэрбээр парламентад суудалгүй намуудын санаанд нийцтэл ажиллаж чадахгүй байгаа аж. Учир нь, УИХ-д суудалгүй намууд нэгдэж түүнийг ажлын хэсгийн ахлагчаас огцруулах саналыг УИХ-ын даргад өргөн барихаар болсон байна. Үүнийг Монголын ногоон нам удирдаж байгаа бөгөөд парламентад суудалгүй намын дарга нарын гарын үсгийг цуглуулж байгаа ажээ.

Ажлын хэсгээ удирдахгүй байгаа гэдэг шалтгаанаас гадна түүнийг улстөрчийнхөө хувьд ёс зүйгүй гэж үзэж дүгнэжээ. Тэрээр гадаад дахь дансаа нууж хөрөнгө, орлогын мэдүүлэгтээ бичээгүй байсан нь ийнхүү дүгнэхэд хүргэсэн бололтой.