УИХ дахь Ардчилсан намын бүлэг мэдээлэл хийлээ. АН-ын бүлэг өчигдөр хуралдаж гурван үндсэн асуудлыг хэлэлцсэн байна. Ерөнхий сайд Н.Алтанхуяг, "Монгол банк"-ны ерөнхийлөгч Х.Золжаргал нараас эдийн засгийн хүндрэлийг хэрхэн даван туулах гэж байгаа талаар нь АН-ын бүлэг мэдээлэл сонссон байна. Тус бүлгээс эдийн засгийн асуудлыг улс төрийн нөлөөгүй толинд харах гэж оролдож байгаа хэмээн АН-ы бүлгийн дарга Д.Эрдэнэбат хэлэв.
Тус бүлгээс эдийн засгийн хүндрэлээс гарах арга замын талаар "Монгол банк", Засгийн газарт тодорхой чиглэлүүд өгчээ.
Үүнд:
1. Концессын гэрээгээр хийх ажлуудын жагсаалтыг Засгийн газраас оруулж, батлуулаад энэ хавар эхлүүлэх.
2. Монголын төмөр замын асуудлыг ойрын хугацаанд УИХ-д оруулж ирэх.
3. Асгатын мөнгөний ордыг Оросын холбооны улстай хамтран ашиглах асуудлыг ойрын хугацаанд гэрээ санамжийн хүрээнд шийдвэрлэх.
4. Оюутолгойн хэлцлийг үргэлжлүүлэх.
5. Ашигт малтмалын тухай хуульд нэмэлт өөрчлөлт оруулах.
6. БНХАУ, ОХУ-тай хамтын ажиллагааг идэвхижүүлэх, ялангуяа хил орчмын худалдааг дэмжих, валютын ханшын тогтвортой байдлыг хангаж ажиллах тал дээр Монгол банк, Эдийн засгийн хөгжлийн яамтай хамтарч ажиллах.
7. Царцаасан хөрөнгө оруулалттай холбогдуулаад Засгийн газар УИХ-д тодотголоо оруулж ирэх. Харин тодотгол оруулж ирэхдээ төрөх эмнэлэгүүдийн асуудлын хөрөнгө оруулалтыг шийдвэрлэх үүргийг Засгийн газарт өгчээ.
Мөн хэт өндөр өртөгтэй обьектыг төсвийн тодотголд оруулахгүй гэдэгт байр сууриа нэгтгэсэн байна. Түүнчлэн чанаргүй гүйцэтгэсэн, хариуцлага алдсан компаниудын жагсаалтыг гаргаж ирэх үүргийг өгчээ. Харин авлигажсан төсөв байна уу, үгүй юу гэдгийг хуулийн байгууллагаар шалгуулна гэв.
Мөн хэт өндөр өртөгтэй обьектыг төсвийн тодотголд оруулахгүй гэдэгт байр сууриа нэгтгэсэн байна. Түүнчлэн чанаргүй гүйцэтгэсэн, хариуцлага алдсан компаниудын жагсаалтыг гаргаж ирэх үүргийг өгчээ. Харин авлигажсан төсөв байна уу, үгүй юу гэдгийг хуулийн байгууллагаар шалгуулна гэв.
Өнөөдрийн чуулганаар хаврын ээлжит чуулганаар хэлэлцэх асуудлыг жагсаалтыг баталсан юм. АН-ын бүлэг Өршөөлийн хуулийг хаврын чуулганаар хэлэлцэх ёстой гэсэн байр суурьтай байгаа гэлээ. "Шударга ёс" эвслийн бүлэг энэ асуудлыг хүчтэй гаргаж тавьж байгаа учраас дэмжиж байгаа аж.
"Давхар дээл" тайлах эсэхийг энэ 7 хоногт хэлэлцэнэ. Харин МАН-ын бүлэг Засгийн газрын 17 гишүүнийг санал хураалтад оролцуулахгүй гэдэг байр суурийг илэрхийлсэн. Хэрвээ санал хураалтад орвол Ашиг сонирхлын тухай хуулийг зөрчинө гэж үзээд байгаа. Харин АН-ын бүлгийн дарга "Хуулийн дагуу орох ёстой" гээд давхар дээлийг тайлахыг дэмжиж байгаа гэлээ. Харин хугацааны хувьд 2016 оны 7 дугаар сарын 1-нээс мөрдөж эхлэх нь зүйтэй гэж үзжээ.
Т.Хулан
Сэтгэгдэл (14)