Хууль зүйн байнгын хороо яг одоо хуралдаж байна. УИХ-ын гишүүн О.Баасанхүү Хууль зүйн сайд Х.Тэмүүжинг огцруулах тогтоолын төслийг өчигдөр өргөн барьсан. Хуулийн дагуу өргөн барьсан тогтоолын төслийг долоо хоногийн дотор Байнгын хороо, УИХ-аар хэлэлцэх ёстой. Энэ дагуу өнөөдөр Хууль зүйн байнгын хороогоор уг асуудлыг хэлэлцэх ёстой гэтэл хэлэлцэх асуудлуудын жагсаалтад оруулаагүй байгаа нь ямар учиртайг О.Баасанхүү гишүүн Хууль зүйн байнгын хорооны дарга Ш.Түвдэндоржоос асуулаа.

 Харин Ш.Түвдэндорж "Энэ даваа гаригт өргөн баригдсан тогтоолын төсөл учраас ирэх баасан гаригт хэлэлцэнэ. Мөн бичиг баримттай танилцаж амжаагүй учраас хойшлуулж байна. Намын бүлэг уг асуудалтай танилцана гэсэн. Нэгэнт хэлэлцэх нь тодорхой. Тиймээс яаралгүй ирэх долоо хоногт хэлэлцэнэ" гэж хариуллаа.

О.Баасанхүү гишүүн Хууль зүйн сайд Х.Тэмүүжинг хууль зөрчиж, хариуцлага алдсан, салбараа удирдах чадваргүй гэсэн үндэслэлээр огцуулах хүсэлт гаргаад байгаа юм.