"Гал үндэстэн” холбооны тэргүүн Ц.Мөнхбаяр нарын гомдлыг өнөөдөр Нийслэлийн шүүхэд хэлэлцэж ялыг нь хөнгөрүүллээ.

Тодруулбал, “Гал үндэстэн” холбооны тэргүүн Ц.Мөнхбаярт 7 жил, Г.Болдбаатарт 6,1 жил, Д.Төмөрбаатарт 10,6 жил, Ж.Ганболдод 1 жил, М.Мөнхболдод 2 жилийн хорих ял тус тус оноосон байна. Харин О.Самбуу-Ёндон, Б.Гантулга нарыг гэм буруугүйд тооцож, цагаатгасан шийдвэрийг хэвээр үлдээсэн юм. Ийн Давж заалдах шүүх хурлаар тэдний ялыг бууруулсан ч ар гэрийнхнийх нь цагаатгах хүсэлтэй байгаа учир дахин Дээд шүүхэд хандана гэдгээ хэлсэн. Харин шүүх хурлын өмнөхөн Г.Уянга гишүүн "Гал үндэстэн"  холбооныхонтой уулзсан гэх мэдээллийг эх сурвалж өгөөд байсан. Тэгвэл Г.Уянга гишүүн тэдэнтэй уулзсаныг гэрчлэх зургууд тарж эхэллээ. Юутай ч тэд уулзалдаад юу ярилцсан нь тодорхойгүй байна.