Мөрдөн байцаалтын үйл ажиллагаанд саад учруулсан хэргээр шүүхээс торгууль хүлээж, тодорхой албан тушаал хаших эрхээ 2 жилээр хасуулсан хууль зүйн дэд сайд Э.Эрдэнэжамьяаныг МАХН-ынхан өмөөрч хэвлэлийн бага хурал хийснээс хойш тодорхой мэдээлэл гарахгүй байгаа. Ямартай ч шүүхийн шийдвэрийг давж заалдана гэж байгаа ч тэрээр энэ тухайгаа өөрийн биеэр огт ярихгүй, хэвлэл мэдээллийнхэнээс дөлсөн байдалтай байгаа билээ. Тэгвэл дэд сайд Э.Эрдэнэжамьяан шүүхийн шийдвэр гарсан өдрөөс хойш ажлаараа нэг ч удаа ирээгүйг тус яамныхан хэлж байна. Түүнийг дэд сайдаас чөлөөлөх шийдвэр албан ёсоор гараагүй байгаа ч тэрээр ийнхүү огт үзэгдэхгүй байгаа гэнэ.