УИХ-ын гишүүн О.Баасанхүү хууль зүйн сайд Х.Тэмүүжинг огцруулах албан хүсэлтээ УИХ-ын даргад өргөн барьсан. Тэрээр хууль зүйн сайд хууль зөрчсөн, салбараа удирдаж чадахгүй байна, ёс зүйн алдаа гаргасан зэрэг хэд хэдэн үндэслэлийг саналдаа тусгасан. Тэгвэл МАХН-ын дарга Н.Энхбаярын гэргий О.Цолмон ингэж дураараа тоглолт хийх болсон О.Баасанхүүг дарамталж "саналаа тат" гэж шахсан, МАХН-ынхан хоорондоо хэлэлцээд О.Баасанхүү гишүүний саналыг татахаар болсон, цаашид Засгийн газрын хувь заяатай холбоотой асуудлаар нэгдсэн бодлогоор хөдөлнө, ганцаарчилсан тоглолт хийхгүй гэсэн тохироонд хүрсэн талаар эх сурвалж мэдээллэв. Харин энэ талаар О.Баасанхүү гишүүнээс тодруулахад "саналаа татахгүй" гэсэн байр суурьтай байна гэж эх сурвалжууд мэдээллэж байна.