УИХ-ын хаврын чуулганы үдээс өмнөх хуралдаан үргэлжилж байна. Одоогоор шүүхүүдийн ачаалал, зохион байгуулалт, шүүхийн байрны асуудлыг хэлэлцэж байна. Шүүхийн багц хууль шинэчлэгдэж байгаатай холбоотой гишүүд янз бүрийн л санал хэлж байна.

Харин Хууль зүйн сайд Х.Тэмжүүжин шүүхийн байр, орон тоо хүнд байдалд байгаа учир төсөв мөнгийг яаралтай шийдэж өгөх хэрэгтэй байгаа төдийгүй Засгийн газраас энэ асуудалд даруй анхаарлаа хандуулах хэрэгтэй байна гэв.

Энэ үеэр Д.Лүндээжанцан гишүүн хэлэхдээ "Улсын дээд шүүх байх хэрэгтэй юу, Улсын Ерөнхий шүүгч гэж өндөр цалинтай хүн байх хэрэгтэй юу гэдэг асуудлыг ярив. Өөрөөр хэлбэл, тэрбээр Улсын Дээд шүүхийг татан буулгаж, Үндсэн хуулинд өөрчлөлт оруулах хэрэгтэй" гэв.

Иргэний шүүх дээр гурван шүүх ажлаа явуулж байна. Шүүгчдийн ачаалал маш их байна.  Харин Захиргааны хэргийн шүүх иргэний шүүхийг бодвол ачаалал бага аж. Улсын хэмжээнд Захиргааны хэргийн давж заалдах шүүх нэг л байгаа аж.  Түүнчлэн, Эрүүгийн шүүхийн хувьд ч байрны хүрэлцээ муу. Долоо хоногт 40-50 хэргийг шүүдэг учир маш ачаалалтай байдаг гэдгийг чуулганы үеэр онцлов. Өмнө нь гурван шүүх тусдаа шүүх хурал хийдэг байсан бол одоо нэг шүүх дээр төвлөрсөн нь шүүгчдэд ихээхэн ачаалал өгч байгаа нь ойлгомжтой. Мөн  байр савны асуудлыг яаралтай шийдэх, шүүгчдийн орон тоог нэмэгдүүлэх чухал байгаа юм.

Байнгын хороогоор Эрүүгийн, Захиргааны, Иргэний хуулиудыг хэлэлцэх нь зүйтэй гэсэн санал хураалт явуулж 71.4 хувийн саналаар хэлэлцэх хэрэгтэй гэж шийдлээ.