УИХ-ын гишүүний зохион байгуулж буй сандалтай суулт маргааш эхэлж, нөгөөдөр өндөрлөнө. Уг үйл ажиллагаа Чингисийн талбайд болох юм. Тус суултын нэр нь “Монголын нэг өдөр-2014” бөгөөд Г.Уянга гишүүн үүнийгээ амьдрал таниулах ардын цуглаан хэмээн нэрлээд буй. Уг цуглаанд амьдрал нь асуудалтай байгаа, түүнийгээ олон нийт, эрх баригчдад хүргэж мэдүүлэх шаардлагатай гэж үзэж буй иргэн бүхэн оролцох боломжтой юм.

Мөн цалин тэтгэвэр нь амьдралд нь хүрэхгүй байгаа, нийгмийн халамж зайлшгүй шаардлагатай боловч түүнээс хүртэж чадахгүй байгаа иргэд шударга бус шүүхийн шийдвэрээс хохирсон хүмүүс, гэр хорооллын дахин төлөвлөлтөд хамрагдаж байгаа иргэд эрх баригчдад амлалтыг нь сануулахыг хүсэгчид, зээлд хамрагдаж чадахгүй байгаа жижиг дунд өрхийн үйлдвэрлэл эрхлэгчид, түрээслэгчид, Ц.Мөнхбаярыг өмгөөлөгчид, Оюутолгойн гэрээтэй холбоотой үзэл бодлоо илэрхийлэхийг хүсэгчид, Ураны эсрэг тэмцэгчид, байгаль орчны хөдөлгөөнийхөн, ногоон уутыг хүүхдийн цэцэрлэг болгохыг хүсч байгаа иргэд, амьдралд нь орлого нь хүрэлцэхгүй багаа иргэд, гэр оронгүй хүмүүс, өвчин зовлонтой боловч нийгмийн халамж хүртэж чадахгүй байгаа хүмүүс гээд амьдралд нь ямар л асуудал байна түүнийгээ авчирч хоёр өдрийн турш төв талбайд танилцуулъя хэмээн Г.Уянга гишүүн уриалж байна.