Маргааш уламжлал ёсоор УИХ дахь намын бүлгүүд хуралдана. УИХ дахь Ардчилсан намын бүлэг А танхимд 10.00 цагаас хуралдах бол МАН-ын бүлэг B танхимд хуралдана. Мөн УИХ дахь МАХН-МҮАН-ын “Шударга ёс” эвслийн бүлэг дээрх цагт хуралдах юм. Бүлгүүдээр ирэх долоо хоногт УИХ, Байнгын хороогоор хэлэлцэх асуудлуудын талаар хэлэлцэнэ. Тэр дундаа ирэх долоо хоногийн пүрэв гаригт чуулганы хуралдаанаар хэлэлцэх "Давхар дээл"-ийг дан болгох хуулийн төслийн талаар илүү дэлгэрэнгүй ярилцах юм.

Дашрамд дурдахад Засгийн газрын гишүүн УИХ-ын гишүүнээр давхар ажиллахгүй байх буюу "давхар дээл"-ийг дан болгох хуулийн төслийг чуулганы хуралдаанаар хэлэлцэх үеэр УИХ дахь МАХН-МҮАН-ын "Шудрага ёс" эвслийн бүлэг завсарлага аваад байгаа юм.