УИХ-ын гишүүн Г.Уянга өнөөдөр, маргааш Чингисийн талбайд сандалтай суулт зохион байгуулахаар болжээ. Тус суултын нэр нь “Монголын нэг өдөр-2014” бөгөөд Г.Уянга гишүүн үүнийгээ амьдрал таниулах ардын цуглаан хэмээн нэрлэжээ.  Уг цуглаанд амьдралд нь асуудалтай байгаа, түүнийгээ олон нийт, эрх баригчдад хүргэж мэдүүлэх шаардлагатай гэж үзэж буй иргэн бүхэн оролцож болох боломжтой юм байна.

Мөн цалин тэтгэвэр нь амьдралд нь хүрэхгүй байгаа, нийгмийн халамж зайлшгүй шаардлагатай боловч түүнээс хүртэж чадахгүй байгаа иргэд шударга бус шүүхийн шийдвэрээс хохирсон иргэд, гэр хорооллын дахин төлөвлөлтөд хамрагдаж байгаа иргэд эрх баригчдад амлалтыг нь сануулахыг хүсэгчид, зээлд хамрагдаж чадахгүй байгаа жижиг дунд өрхийн үйлдвэрлэл эрхлэгчид, түрээслэгчид, Ц.Мөнхбаярыг өмгөөлөгчид, Оюутолгойн гэрээтэй холбоотой үзэл бодлоо илэрхийлэхийг хүсэгчид, Ураны эсрэг тэмцэгчид, байгаль орчны хөдөлгөөнийхөн, ногоон уутыг хүүхдийн цэцэрлэг болгохыг хүсч байгаа иргэд, амьдралд нь орлого нь хүрэлцэхгүй багаа иргэд, гэр оронгүй хүмүүс, өвчин зовлонтой боловч нийгмийн халамж хүртэж чадахгүй байгаа хүмүүс гээд амьдралдаа ямар л асуудал байна түүнийгээ авчирч хоёр өдрийн турш төв талбайд танилцуулья хэмээн тэрбээр уриалж байгаа юм.