Хууль зүйн сайд Х.Тэмүүжингийн талаар сөрөг баримтууд  УИХ-д ирээд байгаа учир АН-ын нөлөө бүхий гишүүд Х.Тэмүүжинг өөрийн хүсэлтээр огцор хэмээн шаардсан гэх шум тархсан.  Тиймээс энэ Байнгын хорооны хурлаас өмнө  Х.Тэмүүжин сайд өөрөө албан тушаалаа өгөх талаараа цухуйлгахаар болсон гэж байсан.

Гэвч тэрбээр энэхүү мэдээлэлд хариу тайлбар хийлээ. Тодруулбал, тэрбээр “Хуулийн салбарын шинэчлэл эцэстээ нам дамжсан улс төрийн бүлэг, банк дээрэмдсэн цагаан захтнууд, гэмт хэрэгтэнтэй сүлбэлдсэн хуулийн ажилтан, хуулийн байгууллагаар хамгаалуулсан авлигатай тэмцэхэд хүрч байна.  Төрийн өмчийг, Улс төрийн намыг, Засгийн газрын яамдыг хувьчилж авсан шигээ хуулийн байгууллагыг хувьчилж авна гэж бодож байгаа бол “Бид тэдэнд үгүй” гэж хэлмээр байна. Та нарын хүссэнээр өөрөө огцрохгүй ээ. Юу ч гэж гүтгэж, доромжилсон сөрж зогсох л болно. Хүсч байгаа бол ил гараад товчлуураа дар” гэв.