УИХ-ын чуулганы нэгдсэн хуралдаанд Ерөнхий сайд Засгийн газрын гишүүд мэдээлэл хийж гишүүдийн асуултанд хариулж байна. УИХ-ын гишүүн Д.Оюунхорол Ерөнхий сайдад хандан. "Та Орос Хятадын эдийн засаг муу байгаа учраас манай эдийн засаг хямраад байна гээд тайван суугаад хүмүүсийг тайвшруулаад байх юм. Та үнэндээ вакумжсан байна. Танд мэдээлэл өгч байгаа хүмүүс бодит байдлаас зөрүүтэй мэдээлэл өгч байна. Эдийн засаг өссөн гээд байх юм. Гаднаас баахан мөнгө зээлж оруулж ирчихээд үүнийгээ өсөлт гэж тайлбарлахаа болиоч. Ард түмнийхээ амьдралыг бодитой судлаач" гэв.

Харин Ерөнхий сайд Н.Алтанхуяг "Би нэг ч тоо судалгааг дураараа оруулж ирээгүй. Засгийн газар өөсрдөө тоо зохиож оруулдаггүй статистикийн байгууллага энэ тоог гаргадаг. Ийм тогтолцоонд ороод хориод жил явж байна. Вакумжина гэж юуг хэлээд байгаа юм бэ. Халуун саванд хийхийг чинь вакумдана гэдэг биздээ. Та битгий хүн явуулаад бай" гэж хэлэн гишүүдийг багагүй хөгжөөлөө.