УИХ-ын гишүүн Ч.Хүрэлбаатараас цаг үеийн асуудлаар тодрууллаа.
-Эдийн засгийн нөхцөл байдалд хүнд байгаагаас шалтгаалан тодорхой аж ахуйн нэгжүүдийг дэмжиж татварын хөнгөлөлтүүдийг үзүүлэхээр болсон. Энэ талаар Та ямар байр суурьтай байгаа вэ?
-Энэ асуудлыг Төсвийн байнгын хорооны хуралдаанаар хэлэлцээд өнөөдөр чуулганы хуралдаанд оруулж ирж байна. Ер нь эдийн засгийн хямрал аж ахуйн нэгжүүдэд хүндрэлтэй тусч байгааг бид бүгд ойлгож байгаа. Тэгэхээр Засгийн газрыг энэ хүнд байдлыг цогц байдлаар шийдээсэй гэж бид үзэж байгаа юм. Энэ нь юу гэсэн үг вэ гэхээр, нэгдүгээрт, эдийн засгийн хямралаас гаргах төлөвлөгөөг Засгийн газар УИХ-д өргөн барих ёстой. Энэхүү төлөвлөгөөн дотор аж ахуйн нэгжүүдэд учирч байгаа хүндрэлүүдийг яаж шийдэх ёстойг тусгах ёстой. Гэтэл тусад нь нэг хууль оруулж ирээд түүн дотроо долларын ханшийг тооцсон нь маргаан үүсгэж байна. Яагаад гэвэл 2014 оны төсвийг батлахдаа долларын ханшийг 1384 төгрөг байхаар баталсан. Бодит байдал дээр 1780 төгрөгтэй тэнцэж байхад Засгийн газраас ам.доллараар илэрхийлэгдсэн албан татварыг тооцохдоо нэг долларыг 1450 төгрөг гэж тооцож оруулж ирлээ. Энэ мөнгийг ирэх гурван жил, өнгөрсөн гурван жилийн дунджаар тооцсон гэсэн. Гэтэл маргааш ханш яаж хэлбэлзэхийг Засгийн газар мэдэхгүй байгаа. Тиймээс 1450 төгрөг гэсэн тооцоо нь алдаатай болж байна. Хоёрдугаарт, төгрөгийн ханшийг 30 хувиар унагасан нь аж ахуйн нэгжүүдэд оногдож байгаа татварыг 30 хувиар нэмж байна гэсэн үг. Тэгэхээр эдийн засгийн хямралтай энэ үед татварыг нэмэгдүүлнэ гэдэг нь аж ахуйн нэгжүүдээ хямрал руу түлхэж байгаатай ялгаагүй. Тиймээс энэ асуудлыг зөв томъёолж, зөв байдлаар оруулж ирэх ёстой. Мөн хэрэгжүүлэх хугацаагаа төсөл дээрээ 2014 гэж бичээд ирэх оноос хэрэгжинэ гэж байгаа нь хариуцлагагүй асуудал. Хэрэв ирэх жил хэрэгжүүлэх юм бол энэ хуулийг одоо заавал хэлэлцэх шаардлагагүй. Тэгэхээр Засгийн газарт эдийн засгийн хямралаас гарах төлөвлөгөө байхгүй гэж үзэж байгаа учраас энэ төслөө эргүүлэн татаад төсвийн тодотголын төсөлтэй хамт оруулж ир гэсэн шаардлагыг тавилаа. Ингэж чадвал бодитой арга хэмжээ болж чадна гэж харж байна.
-Эдийн засгийн нөхцөл байдалд хүнд байгаагаас шалтгаалан тодорхой аж ахуйн нэгжүүдийг дэмжиж татварын хөнгөлөлтүүдийг үзүүлэхээр болсон. Энэ талаар Та ямар байр суурьтай байгаа вэ?
-Энэ асуудлыг Төсвийн байнгын хорооны хуралдаанаар хэлэлцээд өнөөдөр чуулганы хуралдаанд оруулж ирж байна. Ер нь эдийн засгийн хямрал аж ахуйн нэгжүүдэд хүндрэлтэй тусч байгааг бид бүгд ойлгож байгаа. Тэгэхээр Засгийн газрыг энэ хүнд байдлыг цогц байдлаар шийдээсэй гэж бид үзэж байгаа юм. Энэ нь юу гэсэн үг вэ гэхээр, нэгдүгээрт, эдийн засгийн хямралаас гаргах төлөвлөгөөг Засгийн газар УИХ-д өргөн барих ёстой. Энэхүү төлөвлөгөөн дотор аж ахуйн нэгжүүдэд учирч байгаа хүндрэлүүдийг яаж шийдэх ёстойг тусгах ёстой. Гэтэл тусад нь нэг хууль оруулж ирээд түүн дотроо долларын ханшийг тооцсон нь маргаан үүсгэж байна. Яагаад гэвэл 2014 оны төсвийг батлахдаа долларын ханшийг 1384 төгрөг байхаар баталсан. Бодит байдал дээр 1780 төгрөгтэй тэнцэж байхад Засгийн газраас ам.доллараар илэрхийлэгдсэн албан татварыг тооцохдоо нэг долларыг 1450 төгрөг гэж тооцож оруулж ирлээ. Энэ мөнгийг ирэх гурван жил, өнгөрсөн гурван жилийн дунджаар тооцсон гэсэн. Гэтэл маргааш ханш яаж хэлбэлзэхийг Засгийн газар мэдэхгүй байгаа. Тиймээс 1450 төгрөг гэсэн тооцоо нь алдаатай болж байна. Хоёрдугаарт, төгрөгийн ханшийг 30 хувиар унагасан нь аж ахуйн нэгжүүдэд оногдож байгаа татварыг 30 хувиар нэмж байна гэсэн үг. Тэгэхээр эдийн засгийн хямралтай энэ үед татварыг нэмэгдүүлнэ гэдэг нь аж ахуйн нэгжүүдээ хямрал руу түлхэж байгаатай ялгаагүй. Тиймээс энэ асуудлыг зөв томъёолж, зөв байдлаар оруулж ирэх ёстой. Мөн хэрэгжүүлэх хугацаагаа төсөл дээрээ 2014 гэж бичээд ирэх оноос хэрэгжинэ гэж байгаа нь хариуцлагагүй асуудал. Хэрэв ирэх жил хэрэгжүүлэх юм бол энэ хуулийг одоо заавал хэлэлцэх шаардлагагүй. Тэгэхээр Засгийн газарт эдийн засгийн хямралаас гарах төлөвлөгөө байхгүй гэж үзэж байгаа учраас энэ төслөө эргүүлэн татаад төсвийн тодотголын төсөлтэй хамт оруулж ир гэсэн шаардлагыг тавилаа. Ингэж чадвал бодитой арга хэмжээ болж чадна гэж харж байна.
Сэтгэгдэл (7)