Төрийн байгуулалтын байнгын хорооны хуралдаан өнөөдөр 14.00 цагт зарлагдсан ч АН-ын гишүүд хуралдаа орж ирээгүй учраас ирц бүрдсэнгүй. Тиймээс уг асуудлыг хойшлууллаа.

 Харин үүнээс болж Төрийн байгуулалтын байнгын хорооны МАН-ын зарим гишүүд бухимдалтай байгаагаа илэрхийллээ. Тухайлбал Ж.Энхбаяр гишүүн "АН-ынхан яагаад хуралдаа орж ирж суусангүй вэ. Тэд доторх асуудлаа шийдэж чадаагүй, хоорондоо хагаралтай байгаагаа үүгээр илэрхийлж байна. Хуралдаа орж ирэхгүй, Монголын хууль дүрмийг биелүүлэхгүй, ийм том толгойтой байж болохгүй. Төрийн байгуулалтын байнгын хорооны дарга А.Бакей гишүүдийг хуралдаа оруулж суулгах ёстой. Гэтэл АН-ын гишүүд орж ирэхгүй байна гэх шалтгаанаар хурлыг хойшлуулж болохгүй" гэв.

Дашрамд хэлэхэд, өнөөдрийн хуралдаанаар Засгийн газрын гишүүн УИХ-ын гишүүнээр давхар ажиллахгүй байх буюу "Давхар дээл"-ийг дан болгох хууль өөрчлөлт оруулах асуудлыг хэлэлцэх байсан юм.