Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаанаар Тамхины хяналтын тухай хуульд О.Баасанхүү гишүүний санаачлан оруулж буй саналыг хэлэлцэж, дэмжлээ. О.Баасанхүү гишүүн нь тус хуульд ”тамхи татах зөвшөөрөгдсөн цэг” гэж утаат тамхи татах зориулалтаар тусгайлан бэлтгэж өгсөн, агааржуулалтын тоног төхөөрөмжөөр тоноглогдсон тусгаарласан тасалгаа байх, “байрны орц, гарцаас ердийн алхаагаар хэмжиж болохуйц 500 алхмын зайд” зэрэг өөрчлөлтүүдийг оруулжээ. Тус байнгын хорооны хуралдаан “Эмийн талаар төрөөс баримтлах бодлого батлах тухай” Улсын Их Хурлын тогтоолын төсөл /Засгийн газар 2014.4.16-ны өдөр өргөн мэдүүлсэн/-ийг хэлэлцэх эсэх асуудлаар үргэлжилж байна.