Давхар дээлийг дан болгох хуулийг хэзээнээс хэрэгжүүлж эхлэх тухай санал хураалт болоход УИХ-д хамгийн олон суудалтай АН-аас Х.Баттулга, Р.Бурмаа, Ж.Батзандан, М.Зоригт нарын гишүүд уг хуулийг энэ оны долдугаар сараас хэрэгжүүлж эхлэх нь зөв гэсэн саналыг өгсөн. Үүнээс болж Засгийн газрын хувь заяанд нөлөөлж чадах цөөн хэдхэн санал дутсан юм. Хэрвээ дээрх дөрвөн гишүүний нэг нь л эсрэг кноп дарсан бол Н.Алтанхуягийн Засгийн газарт тэсээд үлдэх боломж байсан.  Үүнээс болж сүүлийн үед АН-ынхан хоорондоо ихээхэн асуудалтай байгаа талаар эх сурвалж мэдээлж байна. Тогоон дотроо шийдэх асуудал их байгаагийн дээр гишүүдийнхээ саналыг нэгтгэхээс эхлээд тус намд шийдвэрлэх шаардлагатай маш олон ажил байгаа аж. Үүнээс гадна “Давхар дээл”-ийг тайлах ёстой гэж кноп дарсан өгсөн Х.Баттулга, М.Зоригт, Р.Бурмаа, Ж.Батзандан нарын хувь заяа тун бүрхэг болоод байна. Учир нь АН-ын зүгээс дээрх дөрвөн гишүүнээ шахаж, дарамтлах ажлыг сүүлийн үед хамгийн эрчимтэй хийж байгаа гэнэ. Намынхаа удирдлагуудад элдвээр дарамтуулж, буланд шахуулсан Х.Баттулга, М.Зоригт, Р.Бурмаа, Ж.Батзандан нар энэ асуудлаар өөр, өөрсдийн байр суурийг илэрхийлж явна. Тэдний Чухам тэдний юу гэж ярьсаныг тоймлон хүргэж байна.

- Намайг янз бүрээр дарамталж байна. Намаас хөөнө гэх мэтээр дарамталж байгаа. Гэхдээ манай намын одоогийн дарга бол өөрөө дүрмээ зөрчиж сонгогдсон хүн. Намын даргыг намын Их хурлаар сонгодог. Гэтэл Н.Алтанхуяг намын их хурлаас сонгогдоогүй. Үндэсний зөвлөлдөх хороог жил бүр хуралдуулж, шинэчилж байх  ёстой. Мөн намын дотоод байгууллагад цус сэлбэлт хийж залуу үеийг оруулж ирэх ёстой юм. Гэтэл өнөөдөр гурван жил Үндэсний зөвлөлдөх хороог хуралдуулаагүй байна. Энэ өөрөө АН-ыг хоцрогдож байгааг харуулж байна. Энэ намд шинэчлэл хэрэгтэй байна. Харин ч жирийн гишүүн намайг огцруулах асуудлыг ярьж байгаа дарга нартай би тэмцэнэ. Ардчилалаа хамгаалахын төлөө мөн энэ намаа шинэчлэхийн тулд би ажиллана. Цаашлаад АН-ын дүрмийг хэрэгжүүлж, Үндэсний зөвлөлдөх хороог хэрэгжүүлэхийн төлөө би тэмцэнэ. Намайг шалгуулна гэсэн. Би хариуд нь "Намайг шалгуулах л газар байвал шалгуул" гэсэн. Ер нь би "давхар дээл"-ийг тайлах асуудлаар гаргасан шийдвэртээ үнэнч байна. Тэднийг дарамталлаа гээд бодлоо өөрчлөхгүй. Би бол ард түмний төлөөлөл. Тэдний өмнөөс шийдвэр гаргана. Түүнээс биш намын шийдвэрээр хөдөлдөг хүн биш. Эдийн засаг уналтад орсон байна. Ард түмний амьдрал доройтсон. Барааны үнэ өдрөөс өдөрт өсч байна. Энэ Ж.Батзандангаас болоод байгаа юмуу. Үгүй шүү дээ.

-Намынхаа “Давхар дээл”тэй сайд нарыг нэн даруй дээлээ тайл гэж Р.Бурмаа бид хоёр, гурван сарын хугацаанд ярьсаар ирсэн. АН-ыг бүлэг дотроо ил тод ярьдаг. УИХ-ын гишүүд намын бүлэг дээр аливаа байр суурь илэрхийлснийхээ төлөө шахалтад орж үзээгүй. Тэгэх ч ёсгүй. Дээр дурдсанчлан миний хувьд өөрийн байр сууриа илэрхийлсээр гурван ч сар болсон. Олон нийтэд ярьдаггүй байсан болохоос нам дотроо өөрийн саналаа нээлттэй илэрхийлсэн. Миний сонголтын төлөө намайг хавчих, дараагийн хуралд оруулахгүй байх гэх мэт байдал ерөөсөө ажиглагдаагүй. Мэдээж хууль хэрэгжих хугацааг нааш нь татах ёстой гэдэгт олон гишүүн санал нэгдэж байсан нь үнэн. Гэхдээ яг саналаа өгөх мөчид өөр сонголт хийсэн нь хүн л болсон хойно янз бүрийн учир шалтгаантай. Магадгүй өмнө байсан итгэл үнэмшилтэй байсан зүйл нь биш байсан ч байж болно. Мэдээж цаашид миний байр суурь хэвээр байх болно. УИХ- ын нийт гишүүн “Давхар дээл”-ээ нэн даруй тайлах нь зүйтэй гэдэгт санал нэгдчихээд байна.

2016 оноос хэрэгжих ёстой гэсэн бүлгийн шийдвэрээс зөрж өгсөн нь өөрөө сайд болох гэсэн хувийн санаархал биш. Санал хураалтаас ажиглахад сайд хийж байгаа хүн хүртэл өөрөө 2014 оноос гэж байгаа нь хувийн эрх ашиг байхгүйг хэлэх байх. Ер нь хувийн эрх ашиг, бүлгийн эрх ашиг гэхээс илүү ард иргэд, улс орны эрх ашгийг нэгдүгээрт тавих ёстой. Ард түмэн, улс орноо бод” гэж сонгогчид биднийг сонгосон шүү дээ. Өнөөдөр намайг намын жагсаалтаар гарч ирчихээд бүлгийн шийдвэрээс зөрлөө гэж хэлэх хүн байна. Зарим нь тийм утга агуулгатай мессеж хүртэл бичсэн байна лээ. Тэгвэл уучлаарай. Үндсэн хуулиараа УИХ-ын гишүүн гэдэг нь ард түмний элч төлөөлөгч шүү дээ. Улс орны эрх ашгийг дээдэлнэ гэж тангараг өргөж УИХ-ын гишүүн болчихоод дараа нь бүлгийн эрх ашиг болоод намын эрх ашгийг дээдэлнэ гэж яваад байж болохгүй. Хоёрдугаарт, АН-ын бүлэг өөрөө шийдвэр гаргах субьект биш. Зөвхөн зөвшилцөн ойлголцож, төсөлтэй холбоотой мэдээлэл авч үйл ажиллагаагаа уялдуулдаг болохоос биш “Байнгын хорооны тогтоол гарлаа. Үүнийг заавал дага” гэдэг албадлагын газар биш. Бүлэг дээрээ аль болох сайн, муу талаа ярьж ажиллах ёстой. Үүнийгээ ч би бүлгийнхээ хурал дээр тодорхой хэлсэн. Өнөөдөр улс орны эдийн засгийн нөхцөл байдал хэцүү байна. Вальютын ханшийн зөрүү, ард иргэдийн худалдан авах чадвараас ямархуу байгааг харж болно. Өргөдлийн байнгын хорооны даргын хувьд хэлэхэд иргэдээс ирэх өргөдөлд ард иргэдийн амьдрал ямар байна, ямар бэрхшээл тулгарч байгаа нь мэдрэгдэж байна. Ийм байхад УИХ-ын гишүүд өөрсдөө Засгийн газартаа тавих хяналтаа чангатгах хэрэг гарч байгаа юм. Түүнээс биш Засгийн газрынхаа оруулж ирсэн төсөл бүрийн алдаа дутагдлыг нь хэлж шүүмжлэхгүйгээр баталж, толгойг илээд байж болохгүй. Зөвхөн хуулийн хүрээнд шахаж шаардаж, хянаж ажиллах учиртай.

 Дээрх гурван гишүүний хувьд гаргасан шийдвэртээ тууштай байна хэмээн ярьж яваа бол Х.Баттулга сайд аль хэдийн Н.Алтанхуягтай дайн зарласан байна. Тодруулбал Засгийн газрын гишүүд Х.Баттулга сайдгүйгээр хуралдаж, түүний эсрэг 800 сая орчим төгрөг төсөвлөсөн хар пиарын ажиллагаа эхэлсэн гэх бор шувуу жиргээчдийн дунд байна. Одоогоор Х.Баттулга сайд загас мэт чимээгүй байгаа ч энд, тэнд фракцийнхантайгаа их хуралдаж байгаа аж. Тэрбээр нууц хурлаас гаргасан шийдвэрээ хэрхэн хэрэгжүүлэх нь одоогоор тодорхойгүй байна.

Ажиглагчдын үзэж байгаагаар бол энэ дөрвөн эрхмийг АН-аас хөөвөл АН жинхэнэ улс төрийн дарангуйлагч хүчин болж хувирна гэж үзэж байна. Харин зарим хүмүүс энэ дөрвөн гишүүнээ дүрмийн дагуу гаргах байх. Хэрэв гаргахгүй бол дүрмээ биелүүлээгүйд тооцно хэмээн ярьж байна. Гэхдээ тус намын удирдлагууд "Хэрвээ засгийн газар огцорвол дээрх дөрвөн гишүүнийг намаас хөөнө" гэдгээ хэлсэн. Тэгэхээр Н.Алтанхуягийн газар унавал дээрх дөрвөн гишүүн намаасаа хөөгдөх нь тодорхой болж байна гэсэн үг юм.