УИХ-ын гишүүн Р.Бурмааг намаасаа хөөх шийдвэрийг АН-ынхан гаргаад байгаа билээ. Учир нь “давхар дээл”-ийн санал хураалтын үеэр УИХ-ын гишүүн Х.Баттулга, Р.Бурмаа, Ж.Батзандан, М.Зоригт нар намынхаа эсрэг санал өгсөнтэй холбоотой.
Гэсэн хэдий ч дээрх дөрвөөс ганц Р.Бурмаа гишүүнийг намаас хөөхөөр шийдвэрлэсэн гэнэ.
Тодруулбал Р.Бурмаа УИХ-д намын жагсаалтаар гишүүн болсон. Харин нөгөө гурав нь тойрогт нэр дэвшиж, ард түмний сонголтоор ялалт байгуулсан юм. Харин "давхар дээл"-ний асуудлаар Р.Бурмаа гишүүнтэй байр суурь нэгтэй байгаа Үйлдвэр хөдөө аж ахуйн яамны сайд Х.Баттулга түүнийг өмгөөлж дуугарлаа. Х.Баттулга сайдын өнөөдөр фэйсбүүктээ байршуулсан зураг олны анхаарлыг ихээхэн татаж байна.
Учир нь Бурмаа хө суучих.... тийм ч амар хөөгдөхгүй шүү.... ДАВХАР ДЭЭЛ ээ гэж.....
Тэрбээр ийм тайлбартайгаар тус зургийг оруулжээ. Үүнээс үзвэл Р.Бурмаа гишүүнийг хөөхийг тэрбээр эсэргүүцэж өнөөдөр намын бүлэг дээрээ дуугарах нь тодорхой байна.
Т.Энхэлээ
Сэтгэгдэл (5)