Өнгөрсөн онд жүжигчин Г.Золзаяа шөнийн цэнгээний газар найзуудтайгаа нийлж, хүн зодсон хэрэгт холбогдон шуугиан дэгдээсэн билээ. Тухайн үед Ану гэдэг бүсгүйтэй маргалдаж, түүнийг гэртээ харихаар гарахад араас нь дагаж зоджээ. Энэ хэрэг Сүхбаатар дүүргийн мөрдөн байцаах хэлтэст шалгагдаж байхдаа янз бүрийн шалтгаанаар хойшлогдсоор байгаад саяхан шийдэгдсэн байна. Түүнийг зургаан сар тэнсэн харгалзах ялаар шийтгэсэн тухай эх сурвалжууд мэдээлэв. Жүжигчин бүсгүй ийм хэрэг огт болоогүй хэмээн хэвлэл мэдээллийнхэнд мэдэгдэж байсан аж.