Хууль зүйн дэд сайд Э.Эрдэнэжамьянгийн шүүхээс ял аваад удаагүй байгаа. Улмаар тэрбээр давж заалдах гомдлоо өчигдөр гаргасан байна. Мөн сүүлийн үед нам жим байсан тэрбээр  Х.Тэмүүжин сайдыг огцруулах асуудалд байр сууриа илэрхийллээ. Тэрбээр “Х.Тэмүүжин сайдыг битгий огцроосой л гэж бодож байна. Болж өгвөл О.Баасанхүү гишүүнийг хүсэлтээ эргүүлэн татчихаа гэж гуймаар байгаа юм. УИХ-ын гишүүний бүрэн эрхийн асуудал болохоор өргөн барьсан байх. Засгийн газар нь тогтвортой сайхан ажиллая гэж аман дээрээ ярьчихаад хачир дээрээ өөр юм хийгээд байвал хэнд нь ч итгэх аргагүй болох биз. Х.Тэмүүжин сайд бол засгийн газрынхаа өнгөтэй өөдтэй зүйл хийж яваа сайдуудын нэг. Тийм учраас оролдмооргүй байна гэсэн байр суурийг манай намынхан ярьж байсан. Би Х.Тэмүүжин сайдад дуртай ч байж болно дургүй ч байж болно. Энэ бүхний ард хамгийн чухал асуудал нь шинэчлэлийн ажил явагдаж байгаа юм. Шинэчлэлтийн төлөө тэмцээд явж байгаа сайдаа унагачихвал дараагийн ямар мундаг сайд гарч ирээд шинэчилнэ гэвэл итгэх салбарын хүн олдох уу. Дараагийн хүн гарч ирээд юу ярьвал итгэх вэ” гэв.