Шүүгч нарын цалинг нэмсэнээр шүүгчдийг бусдын нөлөөнд автах, хэн нэгнээс хараат болох зэргээс сэргийлж чадна хэмээн үзэж байгаа. Харин зарим хүн шүүгч угаасаа өндөр цалин авчихаад, тогтоол гаргахаас өөр юм хийдэггүй байхад цалинг нэмсээр байна гэх мэтээр шүүмжилдэг. Тэгвэл энэ талаар Хууль зүйн дэд сайд Э.Эрдэнэжамъян хэлэхдээ " Цалин сайтай, ахуй амьдралдаа санаа бага зовж байгаа хүн мөнгө хаанаас мөнө олох вэ, хэнийг хохироох вэ, хэнээс мөнгө, хахууль  авах вэ гэж бодохгүй шүү дээ. Энэ бас л толгойд нь шинэчлэл хийж байгаа нэг хэлбэр. Нөхцлөө ч сайжрууья, хуулиа ч өөрчлөөд үзье , шударга ажиллаж байгааг нь дэмжээд, шударга бус ажиллаж байгааг нь хатуухан шийтгээд явъя гэсэн л гол зарчим үйлчилж байна. Мөн шүүгч шүүх хуралдаанд оролцохдоо ашиг сонирхолын мэдүүлэг бөглөдөг болсон. Энэ нь жижигхэн ч гэсэн ахиц гарч байгаа явдал. Шүүгч өөрийгөө хахмгаалах хамгаалалттай болж байна гэсэн үг. Дээрээс дарга утасдаад наад хэргээ ингээрэй, тэгээрэй гээд гуйгаад байвал шүүгч өөрийгөө хамгаалах бүрэн зэвсэгтэй болж байна л гэсэн үг. Хахууль өгөх гэж гуйх гэж байгаа хүн ч гэсэн одоо айж байна гэж байна" гэв.