УИХ-ын гишүүн О.Баасанхүү Хууль зүйн сайд Х.Тэмүүжингийн асуудлаар 12.00 цагт мэдээлэл хийнэ гэж байсан ч 15.00 цаг хүртэл хойшлууллаа. Х.Тэмүүжинг огцруулах тогтоолын төслийг тэрбээр өргөн барьсан. Үүний дагуу маргааш УИХ-ын чуулганы хуралдааны хамгийн эхэнд Хууль зүйн сайд Х.Тэмүүжинг огцруулах асуудлыг хэлэлцэнэ. Гэхдээ түүнийг АН болон МАН-ынхан хамгаалж авч үлдэх нь тодорхой болоод байгаа.

Тиймээс О.Баасанхүү гишүүн Х.Тэмүүжинтэй холбоотой ноцтой баримтуудыг дэлгэж эхлэхээр шийдсэн байна. Түүнээс энэ талаар тодруулахад "Х.Тэмүүжинтэй сайдтай холбоотой 16 баримт байна. Эхнээс нь дэлгэх болно" гэлээ. Зарим хэвлэлээр түүнийг Хууль зүйн сайдыг огцруулах хуулийн төслөө эргүүлэн татах гэж байна гэсэн мэдээлэл гарсан. Харин үүнийг тэрбээр эрс үгүйсгэж, хуулийн төслөө татаж авахгүй гэсэн юм.