Яг одоо Эдийн засгийн байнгын хороо хуралдаж байна. Өнөөдрийн хуралдаанаар Байнгын хорооны өнөөдрийн хуралдаанаар эхлээд Засгийн газраас нэн яаралтай хэлэлцүүлэхээр энэ сарын 18-ны өдөр өргөн мэдүүлсэн “Эдийн засгийг эрчимжүүлэх зарим арга хэмжээний тухай” Улсын Их Хурлын тогтоолын төслийн анхны хэлэлцүүлгийг хийж байна.

Уг асуудлаар хэлэлцүүлэг явах үед Хятадын “Bank of China"-гийн салбар Монголд нээгдэх тухай асуудлаар гишүүд голчлон асуулт асуулаа. Тухайлбал УИХ-ын гишүүн Д.Ганбат "Хятадын банкны салбар нээгдэх тухай мэдээлэл гарсан. Энэ үнэн үү" гэв.

 Харин Монголбанкны ерөнхийлөгч Н.Золжаргал хариулахдаа "Төв банкинд өнөөдрийг хүртэлх хугацаанд Хятадын “Bank of China"-гийн салбарыг Монголд нээх хүсэлт албан ёсоор ирээгүй байна. Дээрх банк нь Хятадын төрийн өмчийн оролцоотой банк,  Монгол Улсад салбараа нээх хүсэлт тавьбал эхний ээлжинд Засгийн газар асуудлыг хэлэлцэнэ, улмаар төв банк тэр дагуу судалгаа хийж, зөвшөөрөл олгох эсэхийг нягтлах юм. Тодруулж хэлбэл, Гадаадын хөрөнгө оруулалтыг зохицуулах тухай хуулиар зохицуулагдана гэсэн үг. Гадаадын хөрөнгө оруулалттай банкны салбар Монголд нээгдэх нь зээлийн хүүг бууруулах сайн талтай ч эргээд иргэдийн мөнгөн хадгаламжид эрсдэл үүсгэх сул тал бий. Гэхдээ хүсэлт тавигдсан нөхцөлд санхүүгийн зах зээл, эдийн засагт ямар эерэг болоод сөрөг нөлөө үзүүлэх вэ гэдгийг төв банк нарийн судалж шийдвэрээ гаргана" гэлээ.

Хурал үргэлжилж байна.