Ази-Европын уулзалт (АСЕМ)-ын Ахлах албан тушаалтнуудын уулзалт 2014 оны 4 дүгээр сарын 28-30-ны өдрүүдэд Брюссель хотноо болсон бөгөөд тус уулзалтад ГХЯ-ны Бодлого төлөвлөлт, судалгааны газрын захирал Ц.Батбаяр тэргүүтэй төлөөлөгчид оролцов.
Уулзалтыг Европын Холбооны Гадаад харилцааны АСЕМ хариуцсан албаны захирал В.Будура даргалж, Европын Холбоо, Грек, Малайз болон Монголын Ахлах албан тушаалтнууд бүс нутгийн дэд бүлгүүдийн хуралдааныг зохион байгууллаа.
Энэ удаагийн уулзалтаар 2012 онд Вьентьян хотноо хуралдсан АСЕМ-ийн 9 дүгээр Дээд түвшний уулзалт болон 2013 онд Дели хотноо хуралдсан АСЕМ-ийн Гадаад хэргийн сайд нарын 11 дүгээр уулзалтын үр дүнгээр хэрэгжүүлсэн ажлын талаар санал солилцов. Монголын төлөөлөгч Европын Холбоотой 2013 оны 4 дүгээр сард гарын үсэг зурсан Монгол-Европын Холбооны Түншлэл, хамтын ажиллагааны хэлэлцээрийн ач холбогдлыг цохон тэмдэглэж, Монгол Улсын цаашид АСЕМ-ын хамтын ажиллагааны хүрээнд 2015-2016 онд сэргээгдэх эрчим хүч, хөдөө аж ахуй, усны менежмент, жижиг дунд үйлдвэр зэрэг салбарт Европын түншүүдтэй хамтран төсөл хэрэгжүүлэх сонирхолоо илэрхийлэв.
Түүнчлэн АСЕМ-ийн 51 гишүүн улс, байгууллагын төлөөлөгчид Ази, Европ тивд болж буй үйл явдал, АСЕМ-ын хүрээн дэх Ази-Европын харилцаа холбоо болон олон улс, бүс нутгийн асуудлаар байр сууриа илэрхийлэв. Манай төлөөлөгч Монгол Улсын Ерөнхийлөгчийн өнгөрсөн онд дэвшүүлсэн “Зүүн Хойд Азийн аюулгүй байдлын асуудлаарх Улаанбаатарын яриа хэлэлцээ” санаачлагын хүрээнд зохион байгуулсан “Зүүн Хойд Азийн орнуудын эмэгтэй парламентчдын уулзалт” болон удахгүй 6 дугаар сард болох Зүүн Хойд Азийн эрдэмтэд, экспертуудын уулзалтыг танилцуулав.
Мөн Ахлах албан тушаалтнуудын уулзалтаар 2014 оны 10 дугаар сард болох АСЕМ-ийн 10 дугаар Дээд түвшний уулзалтын бэлтгэл ажлын талаар хэлэлцэв. Энэ жилийн АСЕМ-ийн Дээд хэмжээний уулзалт “Тогтвортой өсөлтийн төлөөх хариуцлагатай түншлэл” сэдвээр 10 дугаар сард Италид болох бөгөөд 2016 онд болох АСЕМ-ийн 20 жилийн ойн өмнө болж байгаагаараа онцлог юм.
Түүнчлэн Бодлого төлөвлөлт, судалгааны газрын захирал Ц.Батбаяр тэргүүтэй төлөөлөгчид уг уулзалтад оролцох үеэрээ Европын Холбооны гадаад бодлогыг хэрэгжүүлэгч Европын Гадаад харилцааны Албаны Ази, Номхон далайн газрын удирдлагатай уулзав.
Уулзалтаар Монгол Улс, Европын Холбооны харилцаа, хамтын ажиллагааг хоёр талын байгуулсан Түншлэл, хамтын ажиллагааны хэлэлцээрийн хүрээнд өргөжүүлэн хөгжүүлэх, мөн олон талт хамтын ажиллагаа, түүний дотор Зүүн Хойд Азийн бүс нутгийн асуудлаар харилцан санал солилцов.
Уулзалтыг Европын Холбооны Гадаад харилцааны АСЕМ хариуцсан албаны захирал В.Будура даргалж, Европын Холбоо, Грек, Малайз болон Монголын Ахлах албан тушаалтнууд бүс нутгийн дэд бүлгүүдийн хуралдааныг зохион байгууллаа.
Мөн Ахлах албан тушаалтнуудын уулзалтаар 2014 оны 10 дугаар сард болох АСЕМ-ийн 10 дугаар Дээд түвшний уулзалтын бэлтгэл ажлын талаар хэлэлцэв. Энэ жилийн АСЕМ-ийн Дээд хэмжээний уулзалт “Тогтвортой өсөлтийн төлөөх хариуцлагатай түншлэл” сэдвээр 10 дугаар сард Италид болох бөгөөд 2016 онд болох АСЕМ-ийн 20 жилийн ойн өмнө болж байгаагаараа онцлог юм.
Түүнчлэн Бодлого төлөвлөлт, судалгааны газрын захирал Ц.Батбаяр тэргүүтэй төлөөлөгчид уг уулзалтад оролцох үеэрээ Европын Холбооны гадаад бодлогыг хэрэгжүүлэгч Европын Гадаад харилцааны Албаны Ази, Номхон далайн газрын удирдлагатай уулзав.
Уулзалтаар Монгол Улс, Европын Холбооны харилцаа, хамтын ажиллагааг хоёр талын байгуулсан Түншлэл, хамтын ажиллагааны хэлэлцээрийн хүрээнд өргөжүүлэн хөгжүүлэх, мөн олон талт хамтын ажиллагаа, түүний дотор Зүүн Хойд Азийн бүс нутгийн асуудлаар харилцан санал солилцов.
