УИХ-ын чуулганы нэгдсэн хуралдаанаар Монгол Улсын Ерөнхийлөгчөөс өргөн мэдүүлсэн Засгийн газрын тухай хуульд нэмэлт өөрчлөлт оруулах тухай хуулийн төслийн эцсийн хэлэлцүүлгийг хийж, санал хураахад нийт 74 гишүүнээс 39 нь татгалзсанаар "Хуулийн төслийг батлах шаардлагагүй" гэж үзлээ. Ингэснээр хуулийн төслийг төсөл санаачлагчид нь буцаагдаж байгаа юм. Уг хуулийн төслийг хэлэлцэх үеэр УИХ дахь МАН-ын бүлгийн гишүүд 2016 оныг наашлуулан 2014 он хэмээн улстөрийн тоглолт хийгээгүй бол Засгийн газрын тухай хуульд нэмэлт өөрчлөлт оруулах тухай хуулийн төсөл буюу “Давхар дээл” тайлах хууль батлагдах байлаа. АН-ын гишүүд эсрэг санал өгсний гол учир нь Засгийн газрыг тогтвортой байдлыг бодолцсон гэдгийг гишүүд хэлж буй. Хэрэв хуулийн төсөлд тусгаснаар буюу 2016 он гэдгээр нь баталсан бол төрд ч, түмэн олонд ч хэрэгтэй гэдгийг МАН-ын гишүүд мэдэж байсан хэдий ч “Доз” хэтрүүлсэн “шоу” нь Ерөнхийлөгчөөс өргөн мэдүүлсэн хуулийн төслийг байнд ч үгүй, банзанд ч үгүй болгосон нь энэ.
Сэтгэгдэл (16)