Чуулганы нэгдсэн хуралдаанаар Эдийн засгийг эрчимжүүлэх хуулийн төслийн анхны хэлэлцүүлгийг хийж байна. Уг төсөлтэй холбоотойгоор байнгын хорооноос гаргасан дэмжигдээгүй саналын томъёоллоор санал хураалт хоёр дахь өдрөө үргэлжилж байна. Энэ үеэр зарим гишүүд байр сууриа илэрхийллээ. Тухайлбал, Хуульзүйн сайд Х.Тэмүүжин "Манай хуулийн байгууллагууд мөнгөтэй хүмүүс рүү дайрдаг болж байна. Зарим бизнесмэн, улстөрчид өрсөлдөгчөө хуулиар намнадаг болж байна. Баялаг бүтээгчид ажлаа хийгээд,  Монгол Улсын орлогыг өсгөөд явж байх нь чухал юм уу, шоронд хийх хэрэгтэй юу? Одоо хүмүүс хуулийн байгууллагын шинэтгэлд эргэлзэж байна. Энэ эргэлзээг ил тод болгохын тулд эдийн засгийг нээлттэй болгох хэрэгтэй. Тиймээс энэ Өршөөлийн хуулийг гаргах хэрэгтэй. Хуримтлал үүсгэж, баялаг бүтээнэ гэдэг чинь хамтын ололт байдаг. Тийм учраас УИХ дээрх ойлголцлоо нэгтгээд Өршөөлийн тухай хууль дээр  14 хоногийн дотор санал нэгдэх хэрэгтэй гэдгийг онцолж байна" гэв.