УИХ-ын нэгдсэн чуулганы хуралдаан эхэлж,  Х.Тэмүүжин сайдыг огцруулах асуудлыг хаалттайгаар хэлэлцэж байна.  Өмнө нь Х.Тэмүүжин сайдын асуудлыг Хууль зүйн байнгын хороо хаалттай хэлэлцсэн бөгөөд хууль хяналтын байгууллагын удирдлагууд нууцад хамаарч болох асуудлаар тайлбар өгсөн байдаг. Тэгвэл өнөөдрийн чуулганаар ч мөн л энэ асуудал дахин хөндөгдөж болзошгүй гэж үзэн ийнхүү хаалттай хэлэлцэхээр болсон юм. Улмаар өнөөдөр сайдын огцрох эсэхийг хэлэлцэж байгаатай холбогдуулж гишүүд, ард олон янз бүрээр л санаа бодлоо хэлж байна. Хэдхэн хормын өмнө  М. Зоригт гишүүн л гэхэд цахим хаягаараа "Өнөөдөр Тэмүүжингээ дэмжинээ. Өнгөрсөн үйл явцууд залуу сайдад том сургамж, ухаарал өгсөн гэж итгэж байна" гэж санал бодлоо илэрхийллээ.