Засгийн газрын ээлжит хуралдаан 2014 оны 5 дугаар сарын 10-ны бямба гаригт болж, 30 гаруй асуудлыг хэлэлцэн дараах шийдвэрүүдийг гаргалаа.Бүгд Найрамдах Турк Улсын Гадаад хэргийн сайд А.Давутолугийн 2014 оны 5 дугаар сарын 18-19-ний өдрүүдэд Монгол Улсад хийх албан ёсны айлчлалын үеэр Монголын талаас баримтлах удирдамжийн төслийг хэлэлцээд, Ерөнхий сайдаар батлуулахаар тогтлоо.
Мөн Мьянмарын Холбооны Бүгд Найрамдах Улсын Холбооны Парламентын дарга Тура У Шве Манны 2014 оны 4 дүгээр сарын 12-15-ны өдрүүдэд Монгол Улсад хийсэн албан ёсны айлчлалын дүнг хэлэлцээд Үндэсний аюулгүй байдлын зөвлөлд оруулахыг Гадаад харилцааны сайд Л.Болдод даалгалаа.
