Чуулганы нэгдсэн хуралдаанаар төсөв тойрсон асуудлаар нэгээд маргаан дэгдэж байна. Энэ үеэр МАН-ынхан валютын ханшийг төсөвт 1384 төгрөгөөр тооцсон, өнөөдөр 1800 гарчихаад байна гэдэг асуудлыг нэлээд давтан тавьж байна. Харин сайд Н.Батбаяр "Валютын ханшийг 1384 төгрөгт барих боломжтой байсан. Өнгөрсөн оны төсвийг батлахдаа төсвийн тогтвортой байдлын тухай хуульд өөрчлөлт оруулж өрийн хэмжээг нэмэх санал орж ирснийг МАН-ынхан унагасан. Та нарын гайгаар валютын ханш ийм болчихоод явж байна" гэсэн мөнөөх алдарт тайлбараа хийлээ. Төсвийн тогтвортой байдлын тухай хуулийг УИХ-ын гишүүдийн гуравны хоёрын өндөр саналаар баталдаг. Учир нь хуулийг тогтвортой хэрэгжүүлэх үүднээс тэр. Харин нэг сайдын валютын ханшийг зээлийн эх үүсвэрээр барих гэсэн саналыг дэмжээгүй нь УИХ-ын гишүүдийн буруу бололтой. Тэр дундаа өр нэмэхгүй гэсэн МАН-ынханы буруу бололтой. Цаашлаад тогтвортой байдлын хууль гэчихээд нэг сайд нь өр нэмнэ, долларын ханш унагана гэдэг саналыг нэг жил бололгүй оруулж ирж байгааг батлах нь тогтвортой гэсэн тодорхойлтондоо хэр нййцэх вэ? зэрэг зарчмын олон асуудал үүсч болох юм. Харин эдийн засгийн хөгжлийн сайд Н.Батбаяр "Өр тавьж долларын ханш унагах байсан" гэсэн гажигтай, бүдүүлэг тайлбараа хийж УИХ-ын гишүүд, ард түмний төлөөллийг доромжилсоор л байна.