Ерөнхий сайд Н.Алтанхуягийг удахгүй нэг сайдтайгаа хариуцлага тооцох гэж буй талаар УИХ-ын гишүүн О.Баасанхүү олонд дэлгэлээ. Ингэхдээ энэ асуудлаар МАХН-МҮАН-ын “Шударга ёс” эвслийн бүлэгтэй гэрээ хийсэн байна. Энэ талаар О.Баасанхүү гишүүн өөрийн цахим хуудсанд “Ерөнхий сайд өөрийн намын хүнтэй хариуцлага тооцохоор тохирч манай намтай энэ сарын 3-ны өдөр гэрээ байгуулсан байна” хэмээн бичжээ. Тэгэхээр Засгийн газрын тэргүүн удахгүй нэг сайдтайгаа хариуцлага тооцох нь. Эх сурвалжуудын мэдээлж буйгаар хариуцлага тооцох сайд нь Эдийн засгийн хөгжлийн  сайд Н.Батбаяр байж магадгүй гэнэ. Ингээд Н.Батбаяр сайдын оронд МАХН-ын гишүүнийг сонгох магадлалтай аж.