Өнгөрсөн сарын 31-нд МАХН-ын гишүүн, Хууль зүйн яамны дэд сайд Э.Эрдэнэжамъянд холбогдох шүүх хурал болж, түүнд 12.8 сая төгрөгийн торгууль ноогдуулж, хоёр жил улс төрийн алба хашихгүй байх шийдвэрийг гаргасан. Тэгвэл тэрбээр  шүүхийн шийдвэртэй 14 хоногийн дотор танилцаад Давж заалдах шатны шүүхэд гомдол гаргана гэдгээ мэдэгдээд байсан.

Улмаар чухам ямар учраас шүүхээс ийм шийдвэр гаргасан, шүүхийн шийдвэртэй хэр санал нийлж байгааг нь тухайн үед хэвлэл мэдээллийнхэн түүнээс тодруулахад тэрбээр ямар ч тайлбар хийхгүй байсан юм. Тэгвэл тэрбээр саяхан шүүхийн шийдвэрийн талаар ам нээлээ. Түүний хэлж буйгаар "Шүүхээс улс төрийн албыг хоёр жил хасахгүй гэсэн шийд гаргасан нь 2016 оны сонгуульд нэр дэвшүүлэхгүй гэсэн улс төрийн явуулга. Мөн интерполийг улс төрд ашиглаж байна" гэсэн юм.