Хууль зүйн сайд Х.Тэмүүжингийн асуудлаас болж УИХ-ын гишүүн О.Баасанхүүг бүлгээсээ гарах нь гэх мэдээлэл байсан. Учир нь тэрбээр Хууль зүйн сайдыг огцруулах асуудлыг өргөн барьчихаад эцсийн мөчид эргүүлэн татсан юм. Энэ нь түүнд нам нь нөлөөлсөнтэй холбоотой нь тодорхой болсон. Мөн бүлгийн зүгээс ч шийдвэр гарахад нөлөөлсөн байх магадлалтай.

 Тиймээс тэрбээр өөрийн харъяалагддаг МАХН-МҮАН-ын "Шударга ёс" эвслийн бүлгээс гарах нь гэх мэдээлэл гарсан билээ. Тэгвэл энэ талаар өөрөөс нь тодруулахад "Би бүлгээсээ гарна, гарахгүй гэдгээ албан ёсоор мэдэгдээгүй. Бүлгийнхээ нэг гишүүнтэй ам зөрөхдөө энэ талаар дурдсан" гэлээ.