Энэ сарын 6-ны  өдөр Үндэсний Аюулгүй байдлын зөвлөл хуралдаж, “Чингис” бондын зарцуулалтын талаарх тайлан мэдээг Монгол Улсын хөгжлийн банк, Эдийн засгийн хөгжлийн яамны удирдлагуудаас сонссон билээ. Улмаар тухайн өдрийн хурлаас гарсан зөвлөмжийг зарим хэвлэл мэдээллийн байгууллага захиалгатай байж болохоор мушгин гуйвуулж, “ҮАБЗ-ийн зөвлөмжийн 2.4 дэх заалтыг зөрчсөн Эдийн засгийн хөгжлийн сайд Н.Батбаярт хариуцлага тооцох тухай Засгийн газарт зөвлөмж өгчээ” гэх мэтээр ташаа мэдээлснийг өнөөдөр тус яамнаас залрууллаа.

Монгол Улсын Үндэсний Аюулгүй байдлын зөвлөлийн 2012 оны арванхоёрдугаар сарын 3-ны өдрийн Засгийн газрын үнэт цаасны талаар авах зарим арга хэмжээний тухай зөвлөмжийн 2.4 дүгээр заалтад: “Засгийн газрын хүлээх эрсдлийг багасгах, хөрөнгө оруулалтын орчинг дэмжих үүднээс нэг төсөл, хөтөлбөрт хийх санхүүжилт нь тухай төслийн нийт санхүүжилтийн 1/3-ээс хэтрэхгүй байх” хэмээн заасан. Монгол Улсын Хөгжлийн банк энэ зөвлөмжийг чанд сахин ажиллаж ирсэн гэдгээ мөн мэдэгдлээ.

Эдийн засгийн хөгжлийн яам болон Монгол Улсын Хөгжлийн банк нь Үндэсний Аюулгүй байдлын зөвлөлийн 2.4 дэх зөвлөмжийг зөрчөөгүй гэдгээ доорх байдлаар няцаасан байна.