УИХ-ын гишүүн Д.Сумъяабазар сэтгүүлчдэд мэдээлэл хийлээ. Засгийн газраас эдийн засгийг эрчимжүүлэх 100 хоногийн эхлүүлсэн. Энэ ажлын хүрээнд төсөв санхүүг хаа, хаанаа зөв зохистой зарцуулахаар хичээж байхад нийслэл хот данхар бүтцээр ажиллаж байна тэрбээр онцолоо.

 Өөрөөр хэлбэл, данхайсан бүтцийн хамгийн том жишээ болж байгаа нийслэлийн бүтэц, орон тоо, их хэмжээний зардлыг төсвийн хэмнэлттэй уялдуулан шийдэх шаардлагатай байна гэж тэрбээр үзэж байна. “Нийслэлийн данхайсан бүтэц” сэдвээр хийсэн уг хэвлэлийн бага хуралд Нийслэлийн иргэдийн төлөөлөгчдийн хурал дахь МАН-ын бүлгийн даргын үүрэг гүйцэтгэгч Т.Гантөмөр, бүлгийн ажлын албаны дарга Ж.Батбаясгалан нар оролцов.  Тэд энэ үеэр нийслэлийн бүтэц, орон тоо, зардал сүүлийн хоёр жилд хэрхэн нэмэгдэж байгааг тоо баримтад түшиглэн танилцуулсан юм.

УИХ-ын гишүүн Д.Сумъяабазар, Нийслэлийн бүтцэд 2012 онд 10669 хүн ажиллаж байсан бол өнөөдөр 13569 ажилтан ажиллаж байна. Энэ нь орон тоо 2900 буюу 27.2 хувиар өссөн гэсэн үг. Цалингийн зардал 24.4 тэрбум буюу 94.6 хувиар өссөн. Төсвийн зардлын нэг хэсгийг хогны ногоон уут эзэлж байгаа ба нийт 13.6 тэрбум төгрөгийг зарцуулахаар төлөвлөсөн. Хоёр жилийн хугацаанд 17 нийслэлийн өмчит үйлдвэрийн газрыг шинээр байгуулж, даргын орон тоог нэмэгдүүлсэн. Гэтэл бүр байдал газар авч нийслэлийн удирдлагуудын данхар бүтэц дүүрэг рүүгээ шилжсэн. Зарим хэлтэс албадын орон тоо хоёр дахин нэмэгдсэн. Энэ мэтээр дарга нарт зориулсан зардал өссөөр байгаа нь дэндүү эмгэнэлтэй, дэндүү харамсалтай байна. Дарга нарт зориулсан үргүй зардлыг ашигтай хувилбар руу шилжүүлвэл 680 хүүхдийн 20 сургууль, 30 цэцэрлэг, 40 км автозам барих хөрөнгийг зөвхөн дарга нарт зориулж байна” гэж ярьлаа. Нийслэлийн иргэдийн төлөөлөгчдийн хурал дахь МАН-ын бүлгийн даргын үүрэг гүйцэтгэгч Т.Гантөмөр, “Манай намын бүлгээс өнгөрсөн онд нийслэлийн удирдлагын бүтцийг цөөрүүлэх санал оруулж байсан ч нөхцөл байдал дээрдсэнгүй” хэмээн тэрбээр ярив.