Ерөнхий сайд Н.Алтанхуяг ОХУ-ыг зорилоо. Тэрбээр тус улсад албан ёсны айлчлал хийж байгаа юм. Мөн Санкт-Петербург хотноо болох Эдийн засгийн чуулга уулзалтанд оролцоно. Айлчлал тавдугаар сарын 22-25-ны хооронд үргэлжлэх бөгөөд энэ үеэр тэрбээр ОХУ-ын Ерөнхий сайд Д.Медведевтэй уулзаж хэлэлцээр хийх аж. ОХУ-д хийх энэ удаагийн айлчлалын бүрэлдэхүүнд Засгийн газрын гишүүдээс Эдийн засгийн хөгжлийн сайд Н.Батбаяр багтжээ.

Петербургийн олон улсын эдийн засгийн чуулга уулзалт нь 1997 оноос хойш жил бүр зохион байгуулагдаж ирсэн ОХУ-ын эдийн засгийн олон улсын томоохон арга хэмжээний нэг юм байна. Энэ удаагийн чуулга уулзалтад 22 орны 2400 төлөөлөгч оролцохоор төлөвлөсний дотор Монгол Улсын Ерөнхий сайд Н.Алтанхуяг багтжээ.