УИХ-дахь бие даагч гишүүд Монгол банкны Ерөнхийлөгчид хариуцлага тооцох тухай бичгээ УИХ-ын даргад өргөн бариад байгаа. Тэгвэл Монгол банкны Ерөнхийлөгчийг огцруулах асуудлыг УИХ өнөөг хэр хэлэлцэж эхлээгүй байна. Энэ талаар бие даагч гишүүн Ц.Даваасүрэн "Энэ асуудлыг УИХ-ын даргад өргөн барьснаас хойш долоо хоногийн дотор хариу өгөх ёстой. Шаардлагатай гэж үзвэл бид шаардлагаа дахиж хүргүүлнэ. Монгол банкны Ерөнхийлөгчийг огцруулах ёстой гэсэн байр суурь дээрээ хэвээрээ байгаа. Бид анхнаасаа мөнгөний бодлогын талаар байр сууриа хэлж байсан. Энэ бол валютын ханшийн тогтвортой байдал. Гэтэл Х.Золжаргал валютын ханшийг чөлөөтэй байлгах ёстой гээд байдаг. Аль ч оронд ийм бодлого барьдаггүй. Монгол банкны Ерөнхийлөгчийг зүгээр самбар хараад суу гэж томилоогүй. Ажил хий гэж томилсон" гэж байр сууриа илэрхийлжээ.