АН-ын бүлгийн дэд дарга С.Одонтуяагаас зарим зүйлийг тодрууллаа.

-Үйлдвэр хөдөө аж ахуйн яамны  ажлыг Уул уурхайн яамны сайд давхар хариуцаж байгаа. Ачаалал ихтэй энэ хоёр яамыг нэг сайд хариуцаж байгаа байдал хэр удаан үргэлжлэх вэ. АН-ын бүлэг энэ асуудлыг хэлэлцсэн үү?

-ҮХАА-н сайдын асуудлыг өчигдөр бүлгийн хуралдаанаар ярилцаагүй. Гэхдээ аль болохоор энэ салбарын хүнийг хурдан оруулж ирж томилох нь зүйтэй гэдэгт АН-ын бүлгийн гишүүд санал нэгтэй байгаа.

-Хувь хүний үүднээс та ямар байр суурьтай байгаа вэ?

-Нэгэнт “давхар дээл”-ний асуудал яригдаж байгаа учраас миний бодлоор дараагийн сайдыг гаднаас томилсон нь зүйтэй гэж бодож байна.