"Тайм" сэтгүүл цахим ертөнц дэх хамгийн нэр хүндтэй, эрэлттэй 20 мянган эрхмийг жагсаажээ. Тэд энэхүү жагсаалтыг гаргахдаа Википедиа хуудсыг ашигласан бөгөөд жагсаалтыг АНУ-ын Ерөнхийлөгч асан Жорж Буш тэргүүлсэн байна. Харин тус улсын одоогийн ерөнхийлөгч Барак Обама хоёрдугаар орсон гэнэ. Түүнчлэн манай хойд хөршийн ерөнхийлөгч Владимир Путин, АНУ-ын сенатчаар ажиллаж байсан Жон Маккен болон сагсан бөмбөгч Шакил Онил нарын урд буюу 27 дугаарт бичигджээ.

Дэлхийн цахим ертөнцийн хамгийн нэр хүндтэй 20 мянган хүнийг эрэмбэлсэн дээрх жагсаалтын 715-д манай улсын Ерөнхийлөгч Ц.Элбэгдорж орсон байна. Мөн 5430-д мэргэжлийн сүмогийн их аварга Асашёорюу Д.Дагвадорж, 11456 дугаарт Хакүхо М.Даваажаргал нар жагсчээ. Харин БНХАУ-ын дарга Си Жинпинь жагсаалтын 3507-д орсон бол Японы Ерөнхий сайд Шинзо Абэ 2763-рт шалгарсан байна.