МоАХ-ны анхдагчид болон "Зориг -90" хөдөлгөөний үүсгэн байгуулагчид өнөөдөр хэвлэлийн хурал хийж Ерөнхийлөгч хийгээд УИХ-ын дарга З.Энхболд, Ерөнхий сайд Н.Алтанхуягт уриалга хүргэлээ.

Тэд ардчилал бий болж Ардчилсан нам үүсгэн байгуулагдсаны ойгоор иргэдийнхээ амьдралд хэрэг болохуйц, иргэддээ амжиргааны баталгаа өгөхүйц томоохон бэлэг барих ёстой гэж мэдэгдлээ.

Ингэхдээ УИХ-аар хэлэлцүүлээд, хуульчилж өгөхийг хүссэн хоёр уриалгаа онцлов.

Үүнд,

1.Монгол Улсын иргэн бүрт 1 га газар үнэгүй өмчлүүлэх

2.Авлигын тухай хуульд нэмэлт өөрчлөлт оруулж, Авлига өгснийг биш авлига авсныг шийтгэдэг заалтыг оруулахыг уриаллаа.

Хэрэв энэ шийдвэрийг ирэх арванхоёрдугаар сарын 6-ны дотор гаргуулахгүй бол Монгол Улсын Ерөнхийлөгч, УИХ-ыг үүргээ гүйцэтгэхгүй байна гэсэн дүгнэлтэд хүрч улс төрийн эрс шийдэмгий алхам хийхээс өөр аргагүйд хүрнэ гэдгээ онцлосон юм.

Тэдний үзэж буйгаар АТГ байгуулагдсанаас хойш авлига буурсан гэдэг эргэлзээтэй. Авлига өгсөн, авсан хоёрыг хоёуланг нь шийтгээд байхаар авлига улам нэмэгдээд байна. Харин зөвхөн авсаныг шийтгээд байвал авлига буурах боломжтой гэв. Харин 1 га газрыг иргэддээ өгсөнөөр иргэдийн амьдралын баталгаа, өөрийн гэсэн хөрөнгөтэй болох мөрөөдөл биелнэ гэв. Монголчууд маш уудаж газар нутагтай. Монголын газар нутгийг 1 сая 625 км куб гэдэг. Гэвч иргэд 0.07 га газраа ч авч чаддаггүй. Харин иргэн бүрийг ялгаваралгүйгээр 1 га газрыг өгвөл нийт 30000 км куб газар болно гэсэн юм.