УИХ-ын чуулганы хуралдаанаар Үндэсний баяр наадмын хуульд өөрчлөлт оруулах хуулийн төслийг хэлэлцээд 80.7 хувийн саналаар дэмжлээ. УИХ-ын гишүүн Р.Гончигдорж нарын зарим гишүүд уг хуулийн төслийг өргөн мэдүүлж Үндэсний их баяр наадмын тухай хуулиас Далай аварга цолыг хасах саналыг гаргасан юм.
Анх 2003 онд Үндэсний их баяр наадмын тухай хуульд далай аварга хэмээх цолыг нэмсэн байна. Уг хуулийн төслийг өргөн барьсан гишүүд үндэсний бөхөд далай аварга хэмээх цол байснаар бөхчүүдийн даян болон дархан аварга цолонд хүрэх боломжийг хааж байна гэж үзэж байгаа аж. Түүнчлэн далай аварга цолыг хассанаар үндэсний бөхийн цолны агуулга болоод бөхчүүдийн нэр хүнд сайжирна гэж хууль санаачлагчид хэлэв.
Хуралдаанд 57 гишүүн оролцсоноос 46 нь дэмжив. Энэ үеэр УИХ-ын гишүүд Үндэсний баяр наадмын тухай хуулийг болиулж, хуульчлахгүйгээр тогтоол болгоё гэсэн санал гаргаж байлаа.
Ингэснээр Улсын аварга А.Сүхбат, Г.Өсөхбаяр нар дархан аварга цолтой болж байна.
Т.Энхэлээ
Сэтгэгдэл (12)