НҮБ-ын Байгаль орчны хөтөлбөр гэж том байгууллага бий. Тус байгууллага анх удаа дэлхийн Байгаль орчны ассамблей зохион байгуулахаар болжээ.

Ассамблейн чуулган энэ сарын 23-27-нд Кенийн Найробид болох бөгөөд дэлхийн 170 гаруй орны төлөөлөгчид оролцоно. Чуулганд НҮБ-ын ерөнхий нарийн бичгийн дарга Бан Ги Мун болон дэлхийн 80 гаруй орон сайдын төвшинд оролцохоо мэдэгдээд байгаа юм. Анх удаа болох чуулганаар тогтвортой хөгжил, ногоон эдийн засаг зэрэг эх дэлхийг аврах гарцуудын талаар ярилцах ажээ. Дэлхий нийтийн анхаарлыг татах энэ чуулганы үеэр ассамблейн Ерөнхийлөгчийг сонгоно. Үүнд Байгаль орчин, ногоон хөгжлийн сайд С.Оюуныг өрсөлдөхийг нэр зааж урьсан байна. Монгол Улсын байгаль орчныхоо салбарт явуулж байгаа бодлого, тэр дундаа С.Оюун сайд энэ чиглэлд идэвх, санаачилгатай ажиллаж байгаагийн нотолгоо энэ болов. Монгол хүн НҮБ-ын байгаль орчны ассамблейн Ерөнхийлөгчид нэр дэвших шалгуурыг хангаж байна гэдэг өөрөө том амжилт.

Сүүлийн үед манай байгаль орчны салбарын бодлого, хийж байгаа ажлууд тодорхой үр дүнд хүрч олон улсын анхааралд өртөх болсон. Үүний тод жишээ нь, өнгөрсөн жил Дэлхийн байгаль орчны өдрийг олон улсад зохион байгуулах орноор Монгол Улстодорч олон ажил хийсэн юм. Мөн НҮБ-ын Байгаль орчны хөтөлбөрөөс “Ногоон эдийн засгийн түншлэл” хэмээх шинэ хөтелбөрийг зарлаж ирэх долоон жилийн турш ногоон эдийн засгийг байгуулахад нь улс орнуудад тусламж, дэмжлэг үзүүлэхээр болсон. Эдгээр орны тоонд Монгол Улс багтсан нь эдийн засгийн томоохон салбаруудаа ногоон эдийн засагт шилжүүлэх, хүүхэд залуучуудын байгаль орчны мэдлэгийг дээшлүүлэхэд чухап ач холбогдолтой юм.

Дашрамд, НҮБ-ын Байгаль орчны хөтөлбөрийг Еренхий ассамблейн чуулганы шийдвэрээр 1972 онд байгуулсан бөгөөд төв нь Кенийн Найробид байдаг. Гол үүрэг нь хүрээлэн буй орчныг хамгаалах чиглэлд анхаарал хандуулсан арга хэмжээдохион байгуулах.төсөл хэрэгжүүлэх замаар хойч үедээ эх дэлхийгээ хэвээр нь үлдээх зорилготой билээ.